Bodhipakkhiyakath±

817. Id±ni imiss±yeva catuń±ŗ±ya ń±ŗadassanavisuddhiy± ±nubh±vavij±nanattha½–
Paripuŗŗabodhipakkhiya, bh±vo vuµµh±nabalasam±yogo;
ye yena pah±tabb±, dhamm± tesa½ pah±nańca.
Kicc±ni parińń±d²ni, y±ni vutt±ni abhisamayak±le;
t±ni ca yath±sabh±vena, j±nitabb±ni sabb±n²ti.
818. Tattha paripuŗŗabodhipakkhiya, bh±voti bodhipakkhiy±na½ paripuŗŗabh±vo. Catt±ro satipaµµh±n±, catt±ro sammappadh±n±, catt±ro iddhip±d±, pańcindriy±ni, pańca bal±ni, satta bojjhaŖg±, ariyo aµµhaŖgiko maggoti hi ime sattati½sa dhamm± bujjhanaµµhena bodhoti laddhan±massa ariyamaggassa pakkhe bhavatt± bodhipakkhiy± n±ma. Pakkhe bhavatt±ti upak±rabh±ve µhitatt±.
819. Tesu tesu ±rammaŗesu okkhanditv± pakkhanditv± upaµµh±nato paµµh±na½. Satiyeva paµµh±na½ satipaµµh±na½. K±yavedan±cittadhammesu panass± asubha-dukkha-anicca-anatt±k±ragahaŗavasena subha-sukha-nicca-atta-sańń±pah±nakiccas±dhanavasena ca pavattito catudh± bhedo hoti. Tasm± catt±ro satipaµµh±n±ti vuccanti.
820. Padahanti eten±ti padh±na½. Sobhana½ padh±na½ sammappadh±na½. Samm± v± padahanti eten±ti sammappadh±na½. Sobhana½ v± ta½ kilesavir³pattavirahato padh±nańca hitasukhanipph±dakattena seµµhabh±v±vahanato padh±nabh±vak±raŗato c±ti sammappadh±na½. V²riyasseta½ adhivacana½. Tayida½ uppann±nuppann±na½ akusal±na½ pah±n±nuppattikicca½ anuppannuppann±nańca kusal±na½ uppattiµµhitikicca½ s±dhayat²ti catubbidha½ hoti, tasm± catt±ro sammappadh±n±ti vuccanti.
821. Pubbe vuttena ijjhanaµµhena iddhi. Tass± sampayutt±ya pubbaŖgamaµµhena phalabh³t±ya pubbabh±gak±raŗaµµhena ca iddhiy± p±doti iddhip±do. So chand±divasena catubbidho hoti, tasm± catt±ro iddhip±d±ti vuccanti. Yath±ha– “catt±ro iddhip±d± chandiddhip±do cittiddhip±do v²riyiddhip±do v²ma½siddhip±do”ti (vibha. 457). Ime lokuttar±va. Lokiy± pana “chandańce bhikkhu adhipati½ karitv± labhati sam±dhi½, labhati cittassa ekaggata½. Aya½ vuccati chandasam±dh²”ti-±divacanato (vibha. 432) chand±di-adhipativasena paµiladdhadhamm±pi honti.
822. Assaddhiyakosajjapam±davikkhepasammoh±na½ abhibhavanato abhibhavanasaŖkh±tena adhipatiyaµµhena indriya½. Assaddhiy±d²hi ca anabhibhavan²yato akampiyaµµhena bala½. Tadubhayampi saddh±divasena pańcavidha½ hoti, tasm± pańcindriy±ni pańca bal±n²ti vuccanti.
823. Bujjhanakasattassa pana aŖgabh±vena sati-±dayo satta bojjhaŖg±. Niyy±nikaµµhena ca samm±diµµhi-±dayo aµµha maggaŖg± honti. Tena vutta½ “satta bojjhaŖg± ariyo aµµhaŖgiko maggo”ti.
824. Iti ime sattati½sa bodhipakkhiyadhamm± pubbabh±ge lokiyavipassan±ya vattam±n±ya cuddasavidhena k±ya½ pariggaŗhato ca k±y±nupassan±satipaµµh±na½, navavidhena vedana½ pariggaŗhato ca vedan±nupassan±satipaµµh±na½, so¼asavidhena citta½ pariggaŗhato ca citt±nupassan±satipaµµh±na½, pańcavidhena dhamme pariggaŗhato ca dhamm±nupassan±satipaµµh±na½. Imasmi½ attabh±ve anuppannapubba½ parassa uppanna½ akusala½ disv± “yath± paµipannasseta½ uppanna½, na tath± paµipajjiss±mi eva½ me eta½ nuppajjissat²”ti, tassa anupp±d±ya v±yamanak±le paµhama½ sammappadh±na½. Attano samud±c±rappatta½ akusala½ disv± tassa pah±n±ya v±yamanak±le dutiya½. Imasmi½ attabh±ve anuppannapubba½ jh±na½ v± vipassana½ v± upp±detu½ v±yamantassa tatiya½. Uppanna½ yath± na parih±yati, eva½ punappuna½ upp±dentassa catuttha½ sammappadh±na½. Chanda½ dhura½ katv± kusalupp±danak±le chandiddhip±do. Micch±v±c±ya viramaŗak±le samm±v±c±ti eva½ n±n±cittesu labbhanti. Imesa½ pana catunna½ ń±ŗ±na½ uppattik±le ekacitte labbhanti. Phalakkhaŗe µhapetv± catt±ro sammappadh±ne avases± tetti½sa labbhanti.
825. Eva½ ekacitte labbham±nesu cetesu ek±va nibb±n±rammaŗ± sati k±y±d²su subhasańń±dippah±nakiccas±dhanavasena catt±ro satipaµµh±n±ti vuccati. Ekameva ca v²riya½ anuppann±na½ anupp±d±dikiccas±dhanavasena catt±ro sammappadh±n±ti vuccati. Sesesu pana h±panava¹¹hana½ natthi.
826. Apica tesu–
Nava ekavidh± eko, dvedh±tha catu pańcadh±;
aµµhadh± navadh± ceva, iti chaddh± bhavanti te.
Nava ekavidh±ti chando, citta½, p²ti, passaddhi, upekkh±, saŖkappo, v±c±, kammanto, ±j²voti ime nava chandiddhip±d±divasena ekavidh±va honti, na ańńa½ koµµh±sa½ bhajanti. Eko dvedh±ti saddh± indriya, balavasena dvedh± µhit±. Atha catu pańcadh±ti athańńo eko catudh±, ańńo pańcadh± µhitoti attho. Tattha sam±dhi eko indriya, bala, bojjhaŖga, maggaŖgavasena catudh± µhito. Pańń± tesańca catunna½ iddhip±dakoµµh±sassa ca vasena pańcadh±. Aµµhadh± navadh± cev±ti aparo eko aµµhadh±, eko navadh± µhitoti attho. Catusatipaµµh±na, indriya, bala, bojjhaŖga, maggaŖgavasena sati aµµhadh± µhit±. Catusammappadh±na, iddhip±da, indriya, bala, bojjhaŖga, maggaŖgavasena v²riya½ navadh±ti. Eva½–
Cuddaseva asambhinn±, hontete bodhipakkhiy±;
koµµh±sato sattavidh±, sattati½sappabhedato.
Sakiccanipph±danato, sar³pena ca vuttito;
sabbeva ariyamaggassa, sambhave sambhavanti teti.

Eva½ t±vettha paripuŗŗabodhipakkhiyabh±vo j±nitabbo.