Paµµh±napaccayakath±

594. Etth±ha– gaŗh±ma t±va eta½ avijj± saŖkh±r±na½ paccayoti, ida½ pana vattabba½ katamesa½ saŖkh±r±na½ katha½ paccayo hot²ti? Tatrida½ vuccati, bhagavat± hi “hetupaccayo, ±rammaŗapaccayo, adhipatipaccayo, anantarapaccayo, samanantarapaccayo, sahaj±tapaccayo, ańńamańńapaccayo, nissayapaccayo, upanissayapaccayo, purej±tapaccayo, pacch±j±tapaccayo, ±sevanapaccayo, kammapaccayo, vip±kapaccayo, ±h±rapaccayo, indriyapaccayo, jh±napaccayo, maggapaccayo, sampayuttapaccayo, vippayuttapaccayo, atthipaccayo, natthipaccayo, vigatapaccayo, avigatapaccayo”ti (paµµh±. 1.1.paccayuddesa) catuv²sati paccay± vutt±.
Tattha hetu ca so paccayo c±ti hetupaccayo, hetu hutv± paccayo, hetubh±vena paccayoti vutta½ hoti. ¾rammaŗapaccay±d²supi eseva nayo.
595. Tattha het³ti vacan±vayavak±raŗam³l±nameta½ adhivacana½. “Paµińń±, het³”ti-±d²su hi loke vacan±vayavo het³ti vuccati. S±sane pana “ye dhamm± hetuppabhav±”ti-±d²su (mah±va. 60) k±raŗa½. “Tayo kusalahet³, tayo akusalahet³”ti-±d²su (dha. sa. 1059) m³la½ het³ti vuccati, ta½ idha adhippeta½. Paccayoti ettha pana aya½ vacanattho, paµicca etasm± et²ti paccayo. Apaccakkh±ya na½ vattat²ti attho. Yo hi dhammo ya½ dhamma½ apaccakkh±ya tiµµhati v± uppajjati v±, so tassa paccayoti vutta½ hoti. Lakkhaŗato pana upak±rakalakkhaŗo paccayo. Yo hi dhammo yassa dhammassa µhitiy± v± uppattiy± v± upak±rako hoti, so tassa paccayoti vuccati. Paccayo, hetu, k±raŗa½, nid±na½, sambhavo, pabhavoti-±di atthato eka½, byańjanato n±na½. Iti m³laµµhena hetu, upak±rakaµµhena paccayoti saŖkhepato m³laµµhena upak±rako dhammo hetupaccayo.
So s±li-±d²na½ s±lib²j±d²ni viya, maŗipabh±d²na½ viya ca maŗivaŗŗ±dayo kusal±d²na½ kusal±dibh±vas±dhakoti ±cariy±na½ adhipp±yo. Eva½ sante pana ta½samuµµh±nar³pesu hetupaccayat± na sampajjati. Na hi so tesa½ kusal±dibh±va½ s±dheti, na ca paccayo na hoti. Vuttańheta½ “het³ hetusampayuttak±na½ dhamm±na½ ta½samuµµh±n±nańca r³p±na½ hetupaccayena paccayo”ti (paµµh±. 1.1.1). Ahetukacitt±nańca vin± etena aby±katabh±vo siddho, sahetuk±nampi ca yonisomanasik±r±dipaµibaddho kusal±dibh±vo, na sampayuttahetupaµibaddho. Yadi ca sampayuttahet³su sabh±vatova kusal±dibh±vo siy±, sampayuttesu hetupaµibaddho alobho kusalo v± siy± aby±kato v±. Yasm± pana ubhayath±pi hoti, tasm± yath± sampayuttesu, eva½ het³supi kusal±dit± pariyesitabb±.
Kusal±dibh±vas±dhanavasena pana het³na½ m³laµµha½ agahetv± suppatiµµhitabh±vas±dhanavasena gayham±ne na kińci virujjhati. Laddhahetupaccay± hi dhamm± vir³¼ham³l± viya p±dap± thir± honti suppatiµµhit±, ahetuk± tilab²jak±disev±l± viya na suppatiµµhit±. Iti m³laµµhena upak±rakoti suppatiµµhitabh±vas±dhanena upak±rako dhammo hetupaccayoti veditabbo.
596. Tato paresu ±rammaŗabh±vena upak±rako dhammo ±rammaŗapaccayo. So “r³p±yatana½ cakkhuvińń±ŗadh±tuy±”ti (paµµh±. 1.1.2) ±rabhitv±pi “ya½ ya½ dhamma½ ±rabbha ye ye dhamm± uppajjanti cittacetasik± dhamm±, te te dhamm± tesa½ tesa½ dhamm±na½ ±rammaŗapaccayena paccayo”ti (paµµh±. 1.1.2) os±pitatt± na koci dhammo na hoti. Yath± hi dubbalo puriso daŗ¹a½ v± rajju½ v± ±lambitv±va uµµhahati ceva tiµµhati ca, eva½ cittacetasik± dhamm± r³p±di-±rammaŗa½ ±rabbheva uppajjanti ceva tiµµhanti ca. Tasm± sabbepi cittacetasik±na½ ±rammaŗabh³t± dhamm± ±rammaŗapaccayoti veditabb±.
597. Jeµµhakaµµhena upak±rako dhammo adhipatipaccayo, so sahaj±t±rammaŗavasena duvidho. Tattha “chand±dhipati chandasampayuttak±na½ dhamm±na½ ta½samuµµh±n±nańca r³p±na½ adhipatipaccayena paccayo”ti-±divacanato (paµµh±. 1.3.3) chandav²riyacittav²ma½s±saŖkh±t± catt±ro dhamm± adhipatipaccayoti veditabb±, no ca kho ekato. Yad± hi chanda½ dhura½ chanda½ jeµµhaka½ katv± citta½ pavattati, tad± chandova adhipati, na itare. Esa nayo sesesupi.
Ya½ pana dhamma½ garu½ katv± ar³padhamm± pavattanti, so nesa½ ±rammaŗ±dhipati. Tena vutta½ “ya½ ya½ dhamma½ garu½ katv± ye ye dhamm± uppajjanti cittacetasik± dhamm±, te te dhamm± tesa½ tesa½ dhamm±na½ adhipatipaccayena paccayo”ti (paµµh±. 1.1.3).
598. Anantarabh±vena upak±rako dhammo anantarapaccayo. Samanantarabh±vena upak±rako dhammo samanantarapaccayo. Idańca paccayadvaya½ bahudh± papańcayanti. Aya½ panettha s±ro, yo hi esa cakkhuvińń±ŗ±nantar± manodh±tu, manodh±tu-anantar± manovińń±ŗadh±t³ti-±di cittaniyamo, so yasm± purimapurimacittavaseneva ijjhati, na ańńath±, tasm± attano attano anantara½ anur³passa cittupp±dassa upp±danasamattho dhammo anantarapaccayo. Tenev±ha– “anantarapaccayoti cakkhuvińń±ŗadh±tu ta½sampayuttak± ca dhamm± manodh±tuy± ta½sampayuttak±nańca dhamm±na½ anantarapaccayena paccayo”ti-±di (paµµh±. 1.1.4). Yo anantarapaccayo, sveva samanantarapaccayo. Byańjanamattameva hettha n±na½, upacayasantat²su viya adhivacananiruttiduk±d²su viya ca. Atthato pana n±na½ natthi.
Yampi “atth±nantarat±ya anantarapaccayo, k±l±nantarat±ya samanantarapaccayo”ti ±cariy±na½ mata½, ta½ “nirodh± vuµµhahantassa nevasańń±n±sańń±yatanakusala½ phalasam±pattiy± samanantarapaccayena paccayo”ti-±d²hi (paµµh±. 1.1.418) virujjhati. Yampi tattha vadanti “dhamm±na½ samuµµh±panasamatthat± na parih±yati, bh±van±balena pana v±ritatt± dhamm± samanantar± nuppajjant²”ti, tampi k±l±nantarat±ya abh±vameva s±dheti. Bh±van±balena hi tattha k±l±nantarat± natth²ti, mayampi etadeva vad±ma. Yasm± ca k±l±nantarat± natthi, tasm± samanantarapaccayat± na yujjati. K±l±nantarat±ya hi tesa½ samanantarapaccayo hot²ti laddhi. Tasm± abhinivesa½ akatv± byańjanamattatovettha n±n±karaŗa½ paccetabba½, na atthato. Katha½? Natthi etesa½ antaranti hi anantar±. Saŗµh±n±bh±vato suµµhu anantar±ti samanantar±.
599. Uppajjam±nova saha upp±danabh±vena upak±rako dhammo sahaj±tapaccayo pak±sassa pad²po viya. So ar³pakkhandh±divasena chabbidho hoti. Yath±ha– “catt±ro khandh± ar³pino ańńamańńa½ sahaj±tapaccayena paccayo. Catt±ro mah±bh³t± ańńamańńa½, okkantikkhaŗe n±mar³pa½ ańńamańńa½, cittacetasik± dhamm± cittasamuµµh±n±na½ r³p±na½, mah±bh³t± up±d±r³p±na½, r³pino dhamm± ar³p²na½ dhamm±na½ kińcik±le sahaj±tapaccayena paccayo, kińcik±le na sahaj±tapaccayena paccayo”ti (paµµh±. 1.1.6). Ida½ hadayavatthumeva sandh±ya vutta½.
600. Ańńamańńa½ upp±danupatthambhanabh±vena upak±rako dhammo ańńamańńapaccayo ańńamańń³patthambhaka½ tidaŗ¹aka½ viya. So ar³pakkhandh±divasena tividho hoti. Yath±ha– “catt±ro khandh± ar³pino ańńamańńapaccayena paccayo. Catt±ro mah±bh³t± okkantikkhaŗe n±mar³pa½ ańńamańńapaccayena paccayo”ti (paµµh±. 1.1.7).
601. Adhiµµh±n±k±rena nissay±k±rena ca upak±rako dhammo nissayapaccayo tarucittakamm±d²na½ pathav²paµ±dayo viya. So “catt±ro khandh± ar³pino ańńamańńa½ nissayapaccayena paccayo”ti eva½ sahaj±te vuttanayeneva veditabbo. Chaµµho panettha koµµh±so “cakkh±yatana½ cakkhuvińń±ŗadh±tuy±…pe… sota… gh±na… jivh±… k±y±yatana½ k±yavińń±ŗadh±tuy± ta½sampayuttak±nańca dhamm±na½ nissayapaccayena paccayo. Ya½ r³pa½ niss±ya manodh±tu ca manovińń±ŗadh±tu ca vattanti, ta½ r³pa½ manodh±tuy± ca manovińń±ŗadh±tuy± ca ta½sampayuttak±nańca dhamm±na½ nissayapaccayena paccayo”ti (paµµh±. 1.1.8) eva½ vibhatto.
602. Upanissayapaccayoti ettha pana aya½ t±va vacanattho, tadadh²navuttit±ya attano phalena nissito na paµikkhittoti nissayo. Yath± pana bhuso ±y±so up±y±so, eva½ bhuso nissayo upanissayo, balavak±raŗasseta½ adhivacana½. Tasm± balavak±raŗabh±vena upak±rako dhammo upanissayapaccayoti veditabbo.
So ±rammaŗ³panissayo anantar³panissayo pakat³panissayoti tividho hoti. Tattha “d±na½ datv± s²la½ sam±diyitv± uposathakamma½ katv± ta½ garu½katv± paccavekkhati, pubbe suciŗŗ±ni garu½katv± paccavekkhati, jh±n± vuµµhahitv± jh±na½ garu½katv± paccavekkhati, sekkh± gotrabhu½ garu½katv± paccavekkhanti, vod±na½ garu½katv± paccavekkhanti. Sekkh± magg± vuµµhahitv± magga½ garu½katv± paccavekkhant²”ti (paµµh±. 1.1.423) evam±din± nayena ±rammaŗ³panissayo t±va ±rammaŗ±dhipatin± saddhi½ n±natta½ akatv±va vibhatto. Tattha ya½ ±rammaŗa½ garu½katv± cittacetasik± uppajjanti, ta½ niyamato tesu ±rammaŗesu balav±rammaŗa½ hoti. Iti garukattabbamattaµµhena ±rammaŗ±dhipati, balavak±raŗaµµhena ±rammaŗ³panissayoti evametesa½ n±natta½ veditabba½.
Anantar³panissayopi “purim± purim± kusal± khandh± pacchim±na½ pacchim±na½ kusal±na½ khandh±na½ upanissayapaccayena paccayo”ti-±din± (paµµh±. 1.1.9) nayena anantarapaccayena saddhi½ n±natta½ akatv±va vibhatto. M±tik±nikkhepe pana nesa½ “cakkhuvińń±ŗadh±tu ta½sampayuttak± ca dhamm± manodh±tuy± ta½sampayuttak±nańca dhamm±na½ anantarapaccayena paccayo”ti-±din± (paµµh±. 1.1.4) nayena anantarassa, “purim± purim± kusal± dhamm± pacchim±na½ pacchim±na½ kusal±na½ dhamm±na½ upanissayapaccayena paccayo”ti-±din± (paµµh±. 1.1.9) nayena upanissayassa ±gatatt± nikkhepe viseso atthi. Sopi atthato ek²bh±vameva gacchati. Eva½ santepi attano attano anantar± anur³passa cittupp±dassa pavattanasamatthat±ya anantarat±, purimacittassa pacchimacittupp±dane balavat±ya anantar³panissayat± veditabb±. Yath± hi hetupaccay±d²su kińci dhamma½ vin±pi citta½ uppajjati, na eva½ anantaracitta½ vin± cittassa uppatti n±ma atthi. Tasm± balavapaccayo hoti. Iti attano attano anantar± anur³pacittupp±danavasena anantarapaccayo, balavak±raŗavasena anantar³panissayoti evametesa½ n±natta½ veditabba½.
Pakat³panissayo pana pakato upanissayo pakat³panissayo. Pakato n±ma attano sant±ne nipph±dito v± saddh±s²l±di upasevito v± utubhojan±di. Pakatiy± eva v± upanissayo pakat³panissayo, ±rammaŗ±nantarehi asammissoti attho. Tassa pakat³panissayo “saddha½ upaniss±ya d±na½ deti, s²la½ sam±diyati, uposathakamma½ karoti, jh±na½ upp±deti, vipassana½ upp±deti, magga½ upp±deti, abhińńa½ upp±deti, sam±patti½ upp±deti. S²la½, suta½, c±ga½, pańńa½ upaniss±ya d±na½ deti…pe… sam±patti½ upp±deti. Saddh±, s²la½, suta½, c±go, pańń± saddh±ya, s²lassa, sutassa, c±gassa, pańń±ya, upanissayapaccayena paccayo”ti-±din± (paµµh±. 1.1.423) nayena anekappak±rato pabhedo veditabbo. Iti ime saddh±dayo pakat± ceva balavak±raŗaµµhena upanissay± c±ti pakat³panissayoti.
603. Paµhamatara½ uppajjitv± vattam±nabh±vena upak±rako dhammo purej±tapaccayo. So pańcadv±re vatth±rammaŗahadayavatthuvasena ek±dasavidho hoti. Yath±ha– “cakkh±yatana½ cakkhuvińń±ŗadh±tuy± ta½sampayuttak±nańca dhamm±na½ purej±tapaccayena paccayo. Sota…pe… gh±na, jivh±, k±y±yatana½, r³pa, sadda, gandha, rasa, phoµµhabb±yatana½ k±yavińń±ŗadh±tuy± ta½sampayuttak±nańca dhamm±na½ purej±tapaccayena paccayo. R³pa, sadda, gandha, rasa, phoµµhabb±yatana½ manodh±tuy±. Ya½ r³pa½ niss±ya manodh±tu ca manovińń±ŗadh±tu ca vattanti, ta½ r³pa½ manodh±tuy± ta½sampayuttak±nańca dhamm±na½ purej±tapaccayena paccayo. Manovińń±ŗadh±tuy± ta½sampayuttak±nańca dhamm±na½ kińcik±le purej±tapaccayena paccayo. Kińcik±le na purej±tapaccayena paccayo”ti (paµµh±. 1.1.10).
604. Purej±t±na½ r³padhamm±na½ upatthambhakattena upak±rako ar³padhammo pacch±j±tapaccayo gijjhapotakasar²r±na½ ±h±r±s±cetan± viya. Tena vutta½ “pacch±j±t± cittacetasik± dhamm± purej±tassa imassa k±yassa pacch±j±tapaccayena paccayo”ti (paµµh±. 1.1.11).
605. ¾sevanaµµhena anantar±na½ paguŗabalavabh±v±ya upak±rako dhammo ±sevanapaccayo ganth±d²su purimapurim±bhiyogo viya. So kusal±kusalakiriyajavanavasena tividho hoti. Yath±ha– “purim± purim± kusal± dhamm± pacchim±na½ pacchim±na½ kusal±na½ dhamm±na½ ±sevanapaccayena paccayo. Purim± purim± akusal±…pe… kiriy±by±kat± dhamm± pacchim±na½ pacchim±na½ kiriy±by±kat±na½ dhamm±na½ ±sevanapaccayena paccayo”ti (paµµh±. 1.1.12).
606. CittapayogasaŖkh±tena kiriyabh±vena upak±rako dhammo kammapaccayo. So n±nakkhaŗik±ya ceva kusal±kusalacetan±ya sahaj±t±ya ca sabb±yapi cetan±ya vasena duvidho hoti Yath±ha– “kusal±kusala½ kamma½ vip±k±na½ khandh±na½ kaµatt± ca r³p±na½ kammapaccayena paccayo. Cetan± sampayuttak±na½ dhamm±na½ ta½samuµµh±n±nańca r³p±na½ kammapaccayena paccayo”ti (paµµh±. 1.1.13).
607. Niruss±hasantabh±vena niruss±hasantabh±v±ya upak±rako vip±kadhammo vip±kapaccayo. So pavatte ta½samuµµh±n±na½, paµisandhiya½ kaµatt± ca r³p±na½, sabbattha ca sampayuttadhamm±na½ paccayo hoti. Yath±ha–“vip±k±by±kato eko khandho tiŗŗanna½ khandh±na½ cittasamuµµh±n±nańca r³p±na½ vip±kapaccayena paccayo…pe… paµisandhikkhaŗe vip±k±by±kato eko khandho tiŗŗanna½ khandh±na½ kaµatt± ca r³p±na½. Tayo khandh± ekassa khandhassa. Dve khandh± dvinna½ khandh±na½ kaµatt± ca r³p±na½ vip±kapaccayena paccayo. Khandh± vatthussa vip±kapaccayena paccayo”ti.
608. R³p±r³p±na½ upatthambhakaµµhena upak±rak± catt±ro ±h±r± ±h±rapaccayo. Yath±ha–“kaba¼²k±ro ±h±ro imassa k±yassa ±h±rapaccayena paccayo. Ar³pino ±h±r± sampayuttak±na½ dhamm±na½ ta½samuµµh±n±nańca r³p±na½ ±h±rapaccayena paccayo”ti (paµµh±. 1.1.15). Pańh±v±re pana “paµisandhikkhaŗe vip±k±by±kat± ±h±r± sampayuttak±na½ khandh±na½ kaµatt± ca r³p±na½ ±h±rapaccayena paccayo”tipi (paµµh±. 1.1.429) vutta½.
609. Adhipatiyaµµhena upak±rak± itthindriyapurisindriyavajj± v²satindriy± indriyapaccayo. Tattha cakkhundriy±dayo ar³padhamm±na½yeva, ses± r³p±r³p±na½ paccay± honti. Yath±ha– “cakkhundriya½ cakkhuvińń±ŗadh±tuy±…pe… sota… gh±na… jivh±… k±yindriya½ k±yavińń±ŗadh±tuy± ta½sampayuttak±nańca dhamm±na½ indriyapaccayena paccayo. R³paj²vitindriya½ kaµatt±r³p±na½ indriyapaccayena paccayo. Ar³pino indriy± sampayuttak±na½ dhamm±na½ ta½samuµµh±n±nańca r³p±na½ indriyapaccayena paccayo”ti (paµµh±. 1.1.16). Pańh±v±re pana “paµisandhikkhaŗe vip±k±by±kat± indriy± sampayuttak±na½ khandh±na½ kaµatt± ca r³p±na½ indriyapaccayena paccayo”tipi (paµµh±. 1.1.430) vutta½.
610. Upanijjh±yanaµµhena upak±rak±ni µhapetv± dvipańcavińń±ŗe sukhadukkhavedan±dvaya½ sabb±nipi kusal±dibhed±ni satta jh±naŖg±ni jh±napaccayo. Yath±ha–“jh±naŖg±ni jh±nasampayuttak±na½ dhamm±na½ ta½samuµµh±n±nańca r³p±na½ jh±napaccayena paccayo”ti (paµµh±. 1.1.17). Pańh±v±re pana “paµisandhikkhaŗe vip±k±by±kat±ni jh±naŖg±ni sampayuttak±na½ khandh±na½ kaµatt± ca r³p±na½ jh±napaccayena paccayo”tipi (paµµh±. 1.1.431) vutta½.
611. Yato tato v± niyy±naµµhena upak±rak±ni kusal±dibhed±ni dv±dasa maggaŖg±ni maggapaccayo. Yath±ha– “maggaŖg±ni maggasampayuttak±na½ dhamm±na½ ta½samuµµh±n±nańca r³p±na½ maggapaccayena paccayo”ti (paµµh±. 1.1.18). Pańh±v±re pana “paµisandhikkhaŗe vip±k±by±kat±ni maggaŖg±ni sampayuttak±na½ khandh±na½ kaµatt± ca r³p±na½ maggapaccayena paccayo”tipi (paµµh±. 1.1.432) vutta½. Ete pana dvepi jh±namaggapaccay± dvipańcavińń±ŗ±hetukacittesu na labbhant²ti veditabb±.
612. Ekavatthuka-ek±rammaŗa-ekupp±dekanirodhasaŖkh±tena sampayuttabh±vena upak±rak± ar³padhamm± sampayuttapaccayo. Yath±ha– “catt±ro khandh± ar³pino ańńamańńa½ sampayuttapaccayena paccayo”ti (paµµh±. 1.1.19).
613. Ekavatthuk±dibh±v±nupagamena upak±rak± r³pino dhamm± ar³p²na½ dhamm±na½, ar³pinopi r³p²na½ vippayuttapaccayo. So sahaj±tapacch±j±tapurej±tavasena tividho hoti. Vuttańheta½ “sahaj±t± kusal± khandh± cittasamuµµh±n±na½ r³p±na½ vippayuttapaccayena paccayo. Pacch±j±t± kusal± khandh± purej±tassa imassa k±yassa vippayuttapaccayena paccayo”ti (paµµh±. 1.1.434). Aby±katapadassa pana sahaj±tavibhaŖge “paµisandhikkhaŗe vip±k±by±kat± khandh± kaµatt±r³p±na½ vippayuttapaccayena paccayo. Khandh± vatthussa. Vatthu khandh±na½ vippayuttapaccayena paccayo”tipi (paµµh±. 1.1.434) vutta½. Purej±ta½ pana cakkhundriy±divatthuvaseneva veditabba½. Yath±ha– “purej±ta½ cakkh±yatana½ cakkhuvińń±ŗassa…pe… k±y±yatana½ k±yavińń±ŗassa vippayuttapaccayena paccayo. Vatthu vip±k±by±kat±na½ kiriy±by±kat±na½ khandh±na½…pe… vatthu kusal±na½ khandh±na½…pe… vatthu akusal±na½ khandh±na½ vippayuttapaccayena paccayo”ti (paµµh±. 1.1.434).
614. Paccuppannalakkhaŗena atthibh±vena t±disasseva dhammassa upatthambhakattena upak±rako dhammo atthipaccayo. Tassa ar³pakkhandhamah±bh³tan±mar³pacittacetasikamah±bh³ta-±yatanavatthuvasena sattadh± m±tik± nikkhitt±. Yath±ha–“catt±ro khandh± ar³pino ańńamańńa½ atthipaccayena paccayo, catt±ro mah±bh³t±, okkantikkhaŗe n±mar³pa½ ańńamańńa½. Cittacetasik± dhamm± cittasamuµµh±n±na½ r³p±na½. Mah±bh³t± up±d±r³p±na½. Cakkh±yatana½ cakkhuvińń±ŗadh±tuy±…pe… k±y±yatana½…pe… r³p±yatana½…pe… phoµµhabb±yatana½ k±yavińń±ŗadh±tuy± ta½sampayuttak±nańca dhamm±na½ atthipaccayena paccayo. R³p±yatana½…pe… phoµµhabb±yatana½ manodh±tuy± ta½sampayuttak±nańca dhamm±na½. Ya½ r³pa½ niss±ya manodh±tu ca manovińń±ŗadh±tu ca vattanti, ta½ r³pa½ manodh±tuy± ca manovińń±ŗadh±tuy± ca ta½sampayuttak±nańca dhamm±na½ atthipaccayena paccayo”ti (paµµh±. 1.1.21).
Pańh±v±re pana sahaj±ta½ purej±ta½ pacch±j±ta½ ±h±ra½ indriyantipi nikkhipitv± sahaj±te t±va “eko khandho tiŗŗanna½ khandh±na½ ta½samuµµh±n±nańca r³p±na½ atthipaccayena paccayo”ti-±din± (paµµh±. 1.1.435) nayena niddeso kato, purej±te purej±t±na½ cakkh±d²na½ vasena niddeso kato. Pacch±j±te purej±tassa imassa k±yassa pacch±j±t±na½ cittacetasik±na½ paccayavasena niddeso kato. ¾h±rindriyesu “kaba¼²k±ro ±h±ro imassa k±yassa atthipaccayena paccayo. R³paj²vitindriya½ kaµatt±r³p±na½ atthipaccayena paccayo”ti (paµµh±. 1.1.435) eva½ niddeso katoti.
615. Attano anantar± uppajjam±n±na½ ar³padhamm±na½ pavatti-ok±sad±nena upak±rak± samanantaraniruddh± ar³padhamm± natthipaccayo. Yath±ha–“samanantaraniruddh± cittacetasik± dhamm± paµuppann±na½ cittacetasik±na½ dhamm±na½ natthipaccayena paccayo”ti.
Te eva vigatabh±vena upak±rakatt± vigatapaccayo. Yath±ha– “samanantaravigat± cittacetasik± dhamm± paµuppann±na½ cittacetasik±na½ dhamm±na½ vigatapaccayena paccayo”ti.
Atthi paccayadhamm± eva ca avigatabh±vena upak±rakatt± avigatapaccayoti veditabb±. Desan±vil±sena pana tath± vinetabbaveneyyavasena v± aya½ duko vutto, ahetukaduka½ vatv±pi hetuvippayuttaduko viy±ti.