Tatr±ya½ ±haraŗ³p±yo, tena hi bhikkhun± kammaµµh±nassa anupaµµh±nabh±va½ ńatv± iti paµisańcikkhitabba½, ime ass±sapass±s± n±ma kattha atthi, kattha natthi. Kassa v± atthi, kassa v± natth²ti. Atheva½ paµisańcikkhat± ime antom±tukucchiya½ natthi, udake nimugg±na½ natthi, tath± asańń²bh³t±na½, mat±na½, catutthajjh±nasam±pann±na½, r³p±r³pabhavasamaŖg²na½, nirodhasam±pann±nanti ńatv± eva½ attan±va att± paµicodetabbo “nanu tva½, paŗ¹ita, neva m±tukucchigato, na udake nimuggo, na asańń²bh³to, na mato, na catutthajjh±nasam±panno, na r³p±r³pabhavasamaŖg², na nirodhasam±panno. Atthiyeva te ass±sapass±s±, mandapańńat±ya pana pariggahetu½ na sakkos²”ti. Ath±nena pakatiphuµµhavasena citta½ µhapetv± manasik±ro pavattetabbo. Ime hi d²ghan±sikassa n±s±puµa½ ghaµµent± pavattanti. Rassan±sikassa uttaroµµha½. Tasm±nena ima½ n±ma µh±na½ ghaµµent²ti nimitta½ µhapetabba½. Imameva hi atthavasa½ paµicca vutta½ bhagavat±– “n±ha½, bhikkhave, muµµhasatissa asampaj±nassa ±n±p±nassatibh±vana½ vad±m²”ti (ma. ni. 3.149; sa½. ni. 5.992).
230. Kińc±pi hi ya½kińci kammaµµh±na½ satassa sampaj±nasseva sampajjati. Ito ańńa½ pana manasikarontassa p±kaµa½ hoti. Ida½ pana ±n±p±nassatikammaµµh±na½ garuka½ garukabh±vana½ buddhapaccekabuddhabuddhaputt±na½ mah±puris±na½yeva manasik±rabh³mibh³ta½, na ceva ittara½, na ca ittarasattasam±sevita½. Yath± yath± manasi kar²yati, tath± tath± santańceva hoti sukhumańca. Tasm± ettha balavat² sati ca pańń± ca icchitabb±.
Yath± hi maµµhas±µakassa tunnakaraŗak±le s³cipi sukhum± icchitabb±. S³cip±savedhanampi tato sukhumatara½, evameva maµµhas±µakasadisassa imassa kammaµµh±nassa bh±van±k±le s³cipaµibh±g± satipi, s³cip±savedhanapaµibh±g± ta½sampayutt± pańń±pi balavat² icchitabb±. T±hi ca pana satipańń±hi samann±gatena bhikkhun± na te ass±sapass±s± ańńatra pakatiphuµµhok±s± pariyesitabb±.
Yath± pana kassako kasi½ kasitv± bal²badde muńcitv± gocaramukhe katv± ch±y±ya nisinno vissameyya, athassa te bal²badd± vegena aµavi½ paviseyyu½. Yo hoti cheko kassako, so puna te gahetv± yojetuk±mo na tesa½ anupada½ gantv± aµavi½ ±hiŗ¹ahi, atha kho rasmińca patodańca gahetv± ujukameva tesa½ nip±tanatittha½ gantv± nis²dati v± nipajjati v±, atha te goŗe divasabh±ga½ caritv± nip±tanatittha½ otaritv± nhatv± ca pivitv± ca paccuttaritv± µhite disv± rasmiy± bandhitv± patodena vijjhanto ±netv± yojetv± puna kamma½ karoti, evameva tena bhikkhun± na te ass±sapass±s± ańńatra pakatiphuµµhok±s± pariyesitabb±. Satirasmi½ pana pańń±patodańca gahetv± pakatiphuµµhok±se citta½ µhapetv± manasik±ro pavattetabbo. Evańhissa manasikaroto na cirasseva te upaµµhahanti nip±tanatitthe viya goŗ±. Tatonena satirasmiy± bandhitv± tasmi½yeva µh±ne yojetv± pańń±patodena vijjhantena punappuna½ kammaµµh±na½ anuyuńjitabba½.
231. Tassevamanuyuńjato na cirasseva nimitta½ upaµµh±ti. Ta½ paneta½ na sabbesa½ ekasadisa½ hoti. Apica kho kassaci sukhasamphassa½ upp±dayam±no t³lapicu viya kapp±sapicu viya v±tadh±r± viya ca upaµµh±t²ti ekacce ±hu.
Aya½ pana aµµhakath±su vinicchayo, idańhi kassaci t±rakar³pa½ viya maŗigu¼ik± viya mutt±gu¼ik± viya ca, kassaci kharasamphassa½ hutv± kapp±saµµhi viya d±rus±ras³ci viya ca, kassaci d²ghap±maŖgasutta½ viya kusumad±ma½ viya dh³masikh± viya ca, kassaci vitthata½ makkaµakasutta½ viya val±hakapaµala½ viya padumapuppha½ viya rathacakka½ viya candamaŗ¹ala½ viya s³riyamaŗ¹ala½ viya ca upaµµh±ti. Tańca paneta½ yath± sambahulesu bhikkh³su suttanta½ sajjh±yitv± nisinnesu ekena bhikkhun± “tumh±ka½ k²disa½ hutv± ida½ sutta½ upaµµh±t²”ti vutte eko “mayha½ mahat² pabbateyy± nad² viya hutv± upaµµh±t²”ti ±ha. Aparo “mayha½ ek± vanar±ji viya”. Ańńo “mayha½ eko s²tacch±yo s±kh±sampanno phalabh±rabharitarukkho viy±”ti. Tesa½ hi ta½ ekameva sutta½ sańń±n±nat±ya n±nato upaµµh±ti. Eva½ ekameva kammaµµh±na½ sańń±n±nat±ya n±nato upaµµh±ti. Sańńajańhi eta½ sańń±nid±na½ sańń±pabhava½. Tasm± sańń±n±nat±ya n±nato upaµµh±t²ti veditabba½.
Ettha ca ańńameva ass±s±rammaŗa½ citta½, ańńa½ pass±s±rammaŗa½, ańńa½ nimitt±rammaŗa½. Yassa hi ime tayo dhamm± natthi, tassa kammaµµh±na½ neva appana½, na upac±ra½ p±puŗ±ti. Yassa pana ime tayo dhamm± atthi, tasseva kammaµµh±na½ upac±rańca appanańca p±puŗ±ti. Vuttańheta½–
“Nimitta½ ass±sapass±s±, an±rammaŗamekacittassa;
aj±nato tayo dhamme, bh±van± nupalabbhati.
“Nimitta½ ass±sapass±s±, an±rammaŗamekacittassa;
j±natova tayo dhamme, bh±van± upalabbhat²”ti. (P±r±. aµµha. 2.165).
232. Eva½ upaµµhite pana nimitte tena bhikkhun± ±cariyassa santika½ gantv± ±rocetabba½ “mayha½, bhante, evar³pa½ n±ma upaµµh±t²”ti. ¾cariyena pana eta½ nimittanti v± na v± nimittanti na vattabba½. “Eva½ hoti, ±vuso”ti vatv± punappuna½ manasi karoh²ti vattabbo. Nimittanti hi vutte vos±na½ ±pajjeyya. Na nimittanti vutte nir±so vis²deyya. Tasm± tadubhayampi avatv± manasik±reyeva niyojetabboti. Eva½ t±va d²ghabh±ŗak±.
Majjhimabh±ŗak± pan±hu “nimittamida½, ±vuso, kammaµµh±na½ punappuna½ manasi karohi sappuris±ti vattabbo”ti. Ath±nena nimitteyeva citta½ µhapetabba½ Evamass±ya½ ito pabhuti µhapan±vasena bh±van± hoti. Vuttańheta½ por±ŗehi–
“Nimitte µhapaya½ citta½, n±n±k±ra½ vibh±vaya½;
dh²ro ass±sapass±se, saka½ citta½ nibandhat²”ti. (P±r±. aµµha. 2.165).
Tasseva½ nimittupaµµh±nato pabhuti n²varaŗ±ni vikkhambhit±neva honti, kiles± sannisinn±va. Sati upaµµhit±yeva. Citta½ upac±rasam±dhin± sam±hitameva. Ath±nena ta½ nimitta½ neva vaŗŗato manasi k±tabba½, na lakkhaŗato paccavekkhitabba½. Apica kho khattiyamahesiy± cakkavattigabbho viya kassakena s±liyavagabbho viya ca ±v±s±d²ni satta asapp±y±ni vajjetv± t±neva satta sapp±y±ni sevantena s±dhuka½ rakkhitabba½. Atha na½ eva½ rakkhitv± punappuna½ manasik±ravasena vuddhi½ vir³¼hi½ gamayitv± dasavidha½ appan±kosalla½ samp±detabba½, v²riyasamat± yojetabb±. Tasseva½ ghaµentassa pathav²kasiŗe vutt±nukkameneva tasmi½ nimitte catukkapańcakajjh±n±ni nibbattanti.
233. Eva½ nibbattacatukkapańcakajjh±no panettha bhikkhu sallakkhaŗ±vivaµµan±vasena kammaµµh±na½ va¹¹hetv± p±risuddhi½ pattuk±mo tadeva jh±na½ pańcah±k±rehi vasippatta½ paguŗa½ katv± n±mar³pa½ vavatthapetv± vipassana½ paµµhapeti. Katha½? So hi sam±pattito vuµµh±ya ass±sapass±s±na½ samudayo karajak±yo ca cittańc±ti passati. Yath± hi kamm±ragaggariy± dhamam±n±ya bhastańca purisassa ca tajja½ v±y±ma½ paµicca v±to sańcarati, evameva k±yańca cittańca paµicca ass±sapass±s±ti. Tato ass±sapass±se ca k±yańca r³panti cittańca ta½sampayuttadhamme ca ar³panti vavatthapeti. Ayamettha saŖkhepo. Vitth±rato pana n±mar³pavavatth±na½ parato ±vibhavissati.
Eva½ n±mar³pa½ vavatthapetv± tassa paccaya½ pariyesati. Pariyesanto ca na½ disv± t²supi addh±su n±mar³passa pavatti½ ±rabbha kaŖkha½ vitarati. VitiŗŗakaŖkho kal±pasammasanavasena tilakkhaŗa½ ±ropetv± udayabbay±nupassan±ya pubbabh±ge uppanne obh±s±dayo dasa vipassanupakkilese pah±ya upakkilesavimutta½ paµipad±ń±ŗa½ maggoti vavatthapetv± udaya½ pah±ya bhaŖg±nupassana½ patv± nirantara½ bhaŖg±nupassanena vayato upaµµhitesu sabbasaŖkh±resu nibbindanto virajjanto vimuccanto yath±kkamena catt±ro ariyamagge p±puŗitv± arahattaphale patiµµh±ya ek³nav²satibhedassa paccavekkhaŗ±ń±ŗassa pariyanta½ patto sadevakassa lokassa aggadakkhiŗeyyo hoti.
Ett±vat± cassa gaŗana½ ±di½ katv± vipassan±pariyos±n± ±n±p±nassatisam±dhibh±van± samatt± hot²ti aya½ sabb±k±rato paµhamacatukkavaŗŗan±.
234. Itaresu pana t²su catukkesu yasm± visu½ kammaµµh±nabh±van±nayo n±ma natthi. Tasm± anupadavaŗŗan±nayeneva tesa½ eva½ attho veditabbo.
P²tipaµisa½ved²ti p²ti½ paµisa½vidita½ karonto p±kaµa½ karonto assasiss±mi passasiss±m²ti sikkhati. Tattha dv²h±k±rehi p²ti paµisa½vidit± hoti ±rammaŗato ca asammohato ca.
Katha½ ±rammaŗato p²ti paµisa½vidit± hoti? Sapp²tike dve jh±ne sam±pajjati. Tassa sam±pattikkhaŗe jh±napaµil±bhena ±rammaŗato p²ti paµisa½vidit± hoti, ±rammaŗassa paµisa½viditatt±. Katha½ asammohato? Sapp²tike dve jh±ne sam±pajjitv± vuµµh±ya jh±nasampayutta½ p²ti½ khayato vayato sammasati. Tassa vipassan±kkhaŗe lakkhaŗapaµivedhena asammohato p²ti paµisa½vidit± hoti. Vuttańheta½ paµisambhid±ya½ (paµi. ma. 1.172)–
“D²gha½ ass±savasena cittassa ekaggata½ avikkhepa½ paj±nato sati upaµµhit± hoti. T±ya satiy± tena ń±ŗena s± p²ti paµisa½vidit± hoti. D²gha½ pass±savasena… rassa½ ass±savasena… rassa½ pass±savasena… sabbak±yapaµisa½ved² ass±sapass±savasena… passambhaya½ k±yasaŖkh±ra½ ass±sapass±savasena cittassa ekaggata½ avikkhepa½ paj±nato sati upaµµhit± hoti. T±ya satiy± tena ń±ŗena s± p²ti paµisa½vidit± hoti. ¾vajjato s± p²ti paµisa½vidit± hoti. J±nato passato paccavekkhato citta½ adhiµµhahato saddh±ya adhimuccato v²riya½ paggaŗhato sati½ upaµµh±payato citta½ sam±dahato pańń±ya paj±nato abhińńeyya½ parińńeyya½ pah±tabba½ bh±vetabba½ sacchik±tabba½ sacchikaroto s± p²ti paµisa½vidit± hoti. Eva½ s± p²ti paµisa½vidit± hot²”ti.
Eteneva nayena avasesapad±nipi atthato veditabb±ni. Idampanettha visesamatta½, tiŗŗa½ jh±n±na½ vasena sukhapaµisa½vedit±, catunnampi vasena cittasaŖkh±rapaµisa½vedit± veditabb±. CittasaŖkh±roti vedan±dayo dve khandh±. Sukhapaµisa½ved²pade cettha vipassan±bh³midassanattha½ “sukhanti dve sukh±ni k±yikańca sukha½ cetasikańc±”ti paµisambhid±ya½ (paµi. ma. 1.173) vutta½. Passambhaya½ cittasaŖkh±ranti o¼±rika½ o¼±rika½ cittasaŖkh±ra½ passambhento, nirodhentoti attho. So vitth±rato k±yasaŖkh±re vuttanayeneva veditabbo.
Apicettha p²tipade p²tis²sena vedan± vutt±. Sukhapade sar³peneva vedan±. Dv²su cittasaŖkh±rapadesu “sańń± ca vedan± ca cetasik± ete dhamm± cittapaµibaddh± cittasaŖkh±r±”ti (paµi. ma. 1.174; ma. ni. 1.463) vacanato sańń±sampayutt± vedan±ti eva½ vedan±nupassan±nayena ida½ catukka½ bh±sitanti veditabba½.
235. Tatiyacatukkepi catunna½ jh±n±na½ vasena cittapaµisa½vedit± veditabb±. Abhippamodaya½ cittanti citta½ modento pamodento h±sento pah±sento assasiss±mi passasiss±m²ti sikkhati. Tattha dv²h±k±rehi abhippamodo hoti sam±dhivasena ca vipassan±vasena ca.
Katha½ sam±dhivasena? Sapp²tike dve jh±ne sam±pajjati. So sam±pattikkhaŗe sampayuttap²tiy± citta½ ±modeti pamodeti. Katha½ vipassan±vasena? Sapp²tike dve jh±ne sam±pajjitv± vuµµh±ya jh±nasampayuttap²ti½ khayato vayato sammasati. Eva½ vipassan±kkhaŗe jh±nasampayutta½ p²ti½ ±rammaŗa½ katv± citta½ ±modeti pamodeti. Eva½ paµipanno “abhippamodaya½ citta½ assasiss±mi passasiss±m²ti sikkhat²”ti vuccati.
Sam±daha½ cittanti paµhamajjh±n±divasena ±rammaŗe citta½ sama½ ±dahanto sama½ µhapento. T±ni v± pana jh±n±ni sam±pajjitv± vuµµh±ya jh±nasampayutta½ citta½ khayato vayato sampassato vipassan±kkhaŗe lakkhaŗapaµivedhena uppajjati khaŗikacittekaggat±. Eva½ uppann±ya khaŗikacittekaggat±ya vasenapi ±rammaŗe citta½ sama½ ±dahanto sama½ µhapento “sam±daha½ citta½ assasiss±mi passasiss±m²ti sikkhat²”ti vuccati.
Vimocaya½ cittanti paµhamajjh±nena n²varaŗehi citta½ mocento vimocento, dutiyena vitakkavic±rehi, tatiyena p²tiy±, catutthena sukhadukkhehi citta½ mocento vimocento. T±ni v± pana jh±n±ni sam±pajjitv± vuµµh±ya jh±nasampayutta½ citta½ khayato vayato sammasati. So vipassan±kkhaŗe anicc±nupassan±ya niccasańń±to citta½ mocento, dukkh±nupassan±ya sukhasańń±to, anatt±nupassan±ya attasańń±to, nibbid±nupassan±ya nandito, vir±g±nupassan±ya r±gato, nirodh±nupassan±ya samudayato, paµinissagg±nupassan±ya ±d±nato citta½ mocento assasati ceva passasati ca. Tena vuccati “vimocaya½ citta½ assasiss±mi passasiss±m²ti sikkhat²”ti. Eva½ citt±nupassan±vasena ida½ catukka½ bh±sitanti veditabba½.
236. Catutthacatukke pana anicc±nupass²ti ettha t±va anicca½ veditabba½. Aniccat± veditabb±. Anicc±nupassan± veditabb±. Anicc±nupass² veditabbo.
Tattha aniccanti pańcakkhandh±. Kasm±? Upp±davayańńathattabh±v±. Aniccat±ti tesa½yeva upp±davayańńathatta½, hutv± abh±vo v±, nibbatt±na½ tenev±k±rena aµµhatv± khaŗabhaŖgena bhedoti attho. Anicc±nupassan±ti tass± aniccat±ya vasena r³p±d²su aniccanti anupassan±. Anicc±nupass²ti t±ya anupassan±ya samann±gato. Tasm± eva½bh³to assasanto passasanto ca idha “anicc±nupass² assasiss±mi passasiss±m²ti sikkhat²”ti veditabbo.
Vir±g±nupass²ti ettha pana dve vir±g± khayavir±go ca accantavir±go ca. Tattha khayavir±goti saŖkh±r±na½ khaŗabhaŖgo. Accantavir±goti nibb±na½. Vir±g±nupassan±ti tadubhayadassanavasena pavatt± vipassan± ca maggo ca. T±ya duvidh±yapi anupassan±ya samann±gato hutv± assasanto passasanto ca “vir±g±nupass² assasiss±mi passasiss±m²ti sikkhat²”ti veditabbo. Nirodh±nupass²padepi eseva nayo.
Paµinissagg±nupass²ti etth±pi dve paµinissagg± paricc±gapaµinissaggo ca pakkhandanapaµinissaggo ca. Paµinissaggoyeva anupassan± paµinissagg±nupassan±. Vipassan±magg±na½ etamadhivacana½.
Vipassan± hi tadaŖgavasena saddhi½ khandh±bhisaŖkh±rehi kilese pariccajati, saŖkhatadosadassanena ca tabbipar²te nibb±ne tanninnat±ya pakkhandat²ti paricc±gapaµinissaggo ceva pakkhandanapaµinissaggoti ca vuccati. Maggo samucchedavasena saddhi½ khandh±bhisaŖkh±rehi kilese pariccajati, ±rammaŗakaraŗena ca nibb±ne pakkhandat²ti paricc±gapaµinissaggo ceva pakkhandanapaµinissaggoti ca vuccati. Ubhayampi pana purimapurimańń±ŗ±na½ anu-anupassanato anupassan±ti vuccati. T±ya duvidh±yapi paµinissagg±nupassan±ya samann±gato hutv± assasanto passasanto ca “paµinissagg±nupass² assasiss±mi passasiss±m²ti sikkhat²”ti veditabbo.
Ida½ catutthacatukka½ suddhavipassan±vaseneva vutta½. Purim±ni pana t²ŗi samathavipassan±vasena. Eva½ catunna½ catukk±na½ vasena so¼asavatthuk±ya ±n±p±nassatiy± bh±van± veditabb±. Eva½ so¼asavatthuvasena ca pana aya½ ±n±p±nassati mahapphal± hoti mah±nisa½s±.
237. Tatrassa “ayampi kho, bhikkhave, ±n±p±nassatisam±dhi bh±vito bahul²kato santo ceva paŗ²to c±”ti-±divacanato santabh±v±divasen±pi mah±nisa½sat± veditabb±, vitakkupacchedasamatthat±yapi. Ayańhi santapaŗ²ta-asecanakasukhavih±ratt± sam±dhi-antar±yakar±na½ vitakk±na½ vasena ito cito ca cittassa vidh±vana½ vicchinditv± ±n±p±n±rammaŗ±bhimukhameva citta½ karoti. Teneva vutta½ “±n±p±nassati bh±vetabb± vitakkupacched±y±”ti (a. ni. 9.1).
Vijj±vimuttip±rip³riy± m³labh±ven±pi cass± mah±nisa½sat± veditabb±. Vuttańheta½ bhagavat±– “±n±p±nassati, bhikkhave, bh±vit± bahul²kat± catt±ro satipaµµh±ne parip³reti, catt±ro satipaµµh±n± bh±vit± bahul²kat± satta bojjhaŖge parip³renti, satta bojjhaŖg± bh±vit± bahul²kat± vijj±vimutti½ parip³rent²”ti (ma. ni. 3.147).
Apica carimak±na½ ass±sapass±s±na½ viditabh±vakaraŗatopiss± mah±nisa½sat± veditabb±. Vuttańheta½ bhagavat±– “eva½ bh±vit±ya kho, r±hula, ±n±p±nassatiy± eva½ bahul²kat±ya yepi te carimak± ass±sapass±s±, tepi vidit±va nirujjhanti, no avidit±”ti (ma. ni. 2.121).
238. Tattha nirodhavasena tayo carimak± bhavacarimak±, jh±nacarimak±, cuticarimak±ti. Bhavesu hi k±mabhave ass±sapass±s± pavattanti, r³p±r³pabhavesu nappavattanti, tasm± te bhavacarimak±. Jh±nesu purime jh±nattaye pavattanti, catutthe nappavattanti, tasm± te jh±nacarimak±. Ye pana cuticittassa purato so¼asamena cittena saddhi½ uppajjitv± cuticittena saha nirujjhanti, ime cuticarimak± n±ma. Ime idha “carimak±”ti adhippet±.
Ima½ kira kammaµµh±na½ anuyuttassa bhikkhuno ±n±p±n±rammaŗassa suµµhu pariggahitatt± cuticittassa purato so¼asamassa cittassa upp±dakkhaŗe upp±da½ ±vajjayato upp±dopi nesa½ p±kaµo hoti. Żhiti½ ±vajjayato µhitipi nesa½ p±kaµ± hoti. BhaŖga½ ±vajjayato ca bhaŖgo nesa½ p±kaµo hoti.
Ito ańńa½ kammaµµh±na½ bh±vetv± arahatta½ pattassa bhikkhuno hi ±yu-antara½ paricchinna½ v± hoti aparicchinna½ v±. Ida½ pana so¼asavatthuka½ ±n±p±nassati½ bh±vetv± arahatta½ pattassa ±yu-antara½ paricchinnameva hoti. So “ettaka½ d±ni me ±yusaŖkh±r± pavattissanti, na ito paran”ti ńatv± attano dhammat±ya eva sar²rapaµijaggananiv±sanap±rupan±d²ni sabbakicc±ni katv± akkh²ni nim²leti koµapabbatavih±rav±s²tissatthero viya mah±karańjiyavih±rav±s²mah±tissatthero viya devaputtamah±raµµhe piŗ¹ap±tikatissatthero viya cittalapabbatavih±rav±sino dve bh±tiyatther± viya ca.
Tatrida½ ekavatthuparid²pana½. Dvebh±tiyatther±na½ kireko puŗŗamuposathadivase p±timokkha½ os±retv± bhikkhusaŖghaparivuto attano vasanaµµh±na½ gantv± caŖkame µhito cand±loka½ oloketv± attano ±yusaŖkh±re upadh±retv± bhikkhusaŖgham±ha– “tumhehi katha½ parinibb±yant± bhikkh³ diµµhapubb±”ti. Tatra keci ±ha½su “amhehi ±sane nisinnak±va parinibb±yant± diµµhapubb±”ti. Keci “amhehi ±k±se pallaŖkam±bhujitv± nisinnak±”ti. Thero ±ha– “aha½ d±ni vo caŖkamantameva parinibb±yam±na½ dassess±m²”ti tato caŖkame lekha½ katv± “aha½ ito caŖkamakoµito parakoµi½ gantv± nivattam±no ima½ lekha½ patv±va parinibb±yiss±m²”ti vatv± caŖkama½ oruyha parabh±ga½ gantv± nivattam±no ekena p±dena lekha½ akkantakkhaŗeyeva parinibb±yi.
Tasm± have appamatto, anuyuńjetha paŗ¹ito;
eva½ anek±nisa½sa½, ±n±p±nassati½ sad±ti.
Ida½ ±n±p±nassatiya½ vitth±rakath±mukha½.