5. Vib±dhana½ p²¼ana½ kilamana½ upat±po pari¼±ho appassaddhibh±vo. Vid³sit± mal²n± ca yato keci akilesasabh±v±pi aniµµhaphal± g±rayh± ca j±t±.
6. “S²lamattaka½, para½ viya matt±y±”ti-±d²su matt±-saddassa pam±ºav±cakat± daµµhabb±. Mariy±dav±cako v± matt±-saddo. Vic±ro hettha jh±naªgesu heµµhimamariy±do, na paµhamajjh±na-upac±rajjh±nesu viya vitakko. S± pana vic±ramariy±dat± vitakk±bh±vena etesa½ j±t±ti avitakkaggahaºa½ kata½. Ida½ vutta½ hoti– avitakk± hutv± vic±ramariy±dajh±naªgesu vic±raheµµhimakoµik±ti. Atha v± ²sadattho matt±-saddo “matt±sukhaparicc±g±”ti-±d²su (dha. pa. 290) viya. Ayañhettha attho– vitakkarahit± bh±van±ya atisukhumabh³tavic±ratt± ²sa½ vic±r± ca avitakkavic±ramatt±ti. Na hi ito para½ vic±ro atth²ti. Yadi vitakkavisesarahit± vic±ramatt±, eva½ sante avitakkavacana½ kimatthiyanti ±ha “vic±ramattavacanen±”ti-±di. Yadi vic±ramattato aññesampi avitakk±na½ atthibh±vajotanattha½ avitakkavacana½, avitakk± ca vic±ramatt± avic±r±ti nivattetabb± gahetabb± ca, eva½ sati vic±ramatt± visesana½, avitakk± visesitabb±ti vic±ramatt±vitakk±ti vattabbanti codana½ manasi katv± ±ha “visesanavisesitabbabh±vo”ti-±di. Yath±k±manti vattu-icch±nur³pa½ Yena yena hi pak±rena dhammesu nivattetabbagahetabbabh±v± labbhanti, tena tena pak±rena visesanavisesitabbabh±vo sambhavat²ti. Pad±na½ anukkamo pad±nukkamo.
Avitakk± savitakk± ca savic±r± avic±r± c±ti avitakk±savic±r± savitakk± avic±r±ti yojetabba½. Ubhayekadesadassanampi ubhayadassananti adhipp±yena “yadi savitakkasavic±r±”ti-±di vutta½. Itarampi pak±setunti ida½ yath± savitakkasavic±resu cittupp±desu vitakko avitakkasavic±rat±ya “avitakkavic±ramatto”ti vutto, eva½ yath±vuttacittupp±desu vic±ro “savitakka-avic±ro”ti sakk± viññ±tunti imamattha½ sandh±ya vutta½. Vitakk±bh±vena ete vic±ramatt±ti ayampi attho visesanivatti-attha½yeva matt±-sadda½ gahetv± vutto. Vic±ramatt±ti hi vic±ramattavantoti viññ±yam±natt± tadaññavisesavirahas±maññato nivattetv± vitakkavisesavirahasaªkh±te avitakka-saddo sannidh±pito viseseti dutiyajjh±nadhammeti. Yath±ha “na vic±rato”ti-±di.
7. Vedayam±n±ti anubhavam±n±. Sukh±k±reti iµµh±k±re, iµµh±nubhavan±k±re v±. Ud±sin±ti nati-apanatirahit±. Sukhadukkh±na½ aviruddh± tesa½ byavadh±yik±bh±vato. Sukhadukkh±ni viya hi sukhadukkh±na½ anantara½ pavattanato byavadh±yik±bh³t± na tehi virujjhati, na pana sukhadukkh±ni anantar±pavattito. “Upapattito ikkhat²ti upekkh±”ti aya½ panattho idha upekkh±-saddassa sabbupekkh±pariy±d±nato na vutto. Na hi lobhasampayutt±di-upekkh± upapattito ikkhat²ti. Tasm±ti yasm± p²tisahagat±yeva na sukhasahagat±, sukhasahagat±pi na p²tisahagat± ev±ti p²tisahagat± sukhasahagat± ca aññamañña½ bhinn±, tasm±. Satipi sukhasahagat±na½ yebhuyyena p²tisahagatabh±ve yena sukhena samann±gat± sukhasahagat± eva honti, na p²tisahagat±, ta½ sukha½ nipp²tikasukhanti aya½ viseso imin± tikena dassitoti imamattha½ vibh±vento “p²tisahagat±ti vatv±”ti-±dim±ha.
Siddhoti s±vasesa½ niravasesañca sukhap²tiyo saªgahetv± pavattehi paµhamadutiyapadehi yo p²tisahagato dhammaviseso, ta½ sukha½, yo ca sukhasahagato dhammaviseso, s± p²t²ti satipi aññamañña½ sa½saµµhabh±ve padantarasaªgahitabh±vad²panatosiddho ñ±to viditoti attho. “Catutthajjh±nasukha½ atipaº²tasukhanti o¼±rikaªgato n²haritv± tassa paº²tabh±va½ dassetu½ aya½ tiko vutto”ti keci vadanti, tadeta½ sabbesa½ sukhavedan±sampayuttadhamm±na½ idha “sukhasahagat±”ti vuttatt± vic±retabba½. Tath± hi “sukhabh³miya½ k±m±vacare”ti-±din± (dha. sa. 1283) “k±m±vacarakusalato catt±ro somanassasahagatacittupp±d±”ti-±din± (dha. sa. 1598) ca niddeso pavattoti.
8. Nibb±n±rammaºata½ sandh±y±ha, na nibb±napaµivijjhana½, itarath± gotrabhussa dassanabh±v±patti acodan²y± siy±ti adhipp±yo. Nanu ca disv± kattabbakiccakaraºena sot±pattimaggova dassananti ukka½sagativij±nanena nibb±nassa paµivijjhanameva dassananti gotrabhussa dassanabh±v±patti na codetabb±v±ti? Na, dassanas±maññasseva suyyam±natt± dassanakattabbakiccakaraº±nañca bhedena vuttatt±. Tattha yadipi “paññ±ya cassa disv± ±sav± parikkh²º± hont²”ti-±d²su (ma. ni. 2.182) viya abhinnak±lassapi bhinnak±lassa viya bhedopac±radassanato bhedavacana½ yutta½, dassanavisese pana adhippete dassanas±maññavacana½ na kattabbanti dassanas±maññamatta½ gahetv± codan± kat±ti “nibb±n±rammaºata½ sandh±y±h±”ti vutta½. Dutiyatatiyamagg±nampi dhammacakkhupariy±yasabbh±vato “bh±van±bh±va½ appattan”ti vutta½. Tattha bh±van± va¹¹han±. S± ca bahula½ uppattiy± hot²ti ±ha “punappuna½ nibbattanen±”ti. Tath± hi sat²ti “ubhayapaµikkhepavasen±”ti padassa dassanabh±van±paµikkhepavasen±ti atthe sati. Nanu lokiyasamathavipassan±pi yath±bala½ k±macchand±d²na½ pah±yak±, tatra kathamida½ vutta½, na ca añño pah±yako atth²ti codana½ sandh±y±ha “aññeh²”ti-±di.
9. Appah±tabbahetumattes³ti appah±tabbahetukamattesu. Sabbo kusal±by±katadhammo yath±dhippetattho. Sam±so na upapajjati asamatthabh±vato. Yesanti ye tatiyar±sibh±vena vutt± dhamm±, attho tesa½. Ubhinnanti visu½ visu½ yojetabbat±ya dve pah±tabbahetusadd±ti katv± vutta½. Etanti “nevadassanena nabh±van±ya pah±tabbo hetu etesa½ atth²”ti eta½ vacana½. Tehi dassanabh±van±padehi yuttena pah±tabbahetukapadena. Evañca katv±ti eva½ dassanabh±van±padehi pah±tabbahetukapadassa visu½ visu½ yojanato. Evañhi purimapadadvaya…pe… dassanameta½ hot²ti. Evanti dassanabh±van±hi napah±tabbo hetu etesanti eva½ atthe sati. “Hetu…pe… siy±”ti etassa “purimasmiñhi atthe”ti-±din± ahetuk±na½ aggahitabh±vadassanavasena attha½ vatv± id±ni “atha v±”ti-±din± dutiyasseva atthassa yuttabh±va½ vibh±vento “gahetabbatthassev±”ti-±dim±ha. So hi “evamattho gahetabbo”ti vuttatt± gahetabbattho.
10. Aññath±ti ±rammaºakaraºamatte adhippete. Katha½ paneta½ j±nitabba½ “±rammaºa½ katv±ti etena catukiccas±dhaka½ ±rammaºakaraºa½ vuccat²”ti? S±maññajotan±ya visese avaµµh±nato ariyamaggadhamm±na½yeva ca apacayag±mibh±vato. “Catt±ro magg± apariy±pann± apacayag±mino”ti (dha. sa. 1021) hi vutta½. Tenev±ha “ariyamagg±na½ eta½ adhivacanan”ti. Eteneva v± visesupalakkhaºahetubh³tena vacanena yath±vutto ±rammaºakaraºaviseso viññ±yati. Ukka½sagativij±nanena v± ayamattho veditabbo. Paccavekkhaº±d²nanti vod±n±dayo saªgaºh±ti. Hetubh±ven±ti samp±pakahetubh±vena. ѱpako k±rako samp±pakoti tividho hi hetu, tath± ñ±petabb±dibh±vena phala½. Yath± niray±dimanussabh±v±dig±mipaµipad±bh±vato akusalalokiyakusalacittupp±d± “±cayag±mino dhamm±”ti vutt±, na micch±diµµhi-±dilokiyasamm±diµµhi-±didhamm± eva, eva½ nibb±nag±mipaµipad±bh±vato lokuttarakusalacittupp±d± “apacayag±mino”ti daµµhabb±, na ariyamaggadhamm± ev±ti imamattha½ dassento ±ha “purimapacchim±nan”ti-±di. Tattha ariyamaggasseva nibb±nag±mipaµipad±bh±vo paribyattoti tasseva apacayag±mibh±vo yutto, tadanuvattakatt± pana sesadhamme saªgahetv± vutta½. Apacaye dukkhaparij±nan±din± s±tisaya½ gamana½ yesante apacayag±minoti “magg± eva apacayag±mino”ti vutta½. Purimapacchim±nanti ca imasmi½ tike paµhamapadadutiyapadasaªgahit±na½ atth±nanti attho. “Jaya½ vera½ pasavati (dha. pa. 201), cara½ v± yadi v± tiµµhan”ti-±d²su (itivu. 86, 110; su. ni. 195) viya s±nun±siko ±caya-saddoti “anun±sikalopo kato”ti vutta½. Ettha ca “±cinan”ti vattabbe “±cayan”ti byattayavasena vuttanti daµµhabba½. ¾cay± hutv± gacchant²ti etena apacinant²ti apacay±, apacay± hutv± gacchanti pavattant²ti ayamattho nayato dassitoti daµµhabba½.
11. Lokiyesu asekkhabh±v±n±patti daµµhabb±ti kasm± eva½ vutta½, nanu–
“Sikkhat²ti kho bhikkhu tasm± sekkhoti vuccati. Kiñca sikkhati, adhis²lampi sikkhati adhicittampi sikkhati adhipaññampi sikkhati. Sikkhat²ti kho bhikkhu tasm± sekkhoti vuccati (a. ni. 3.86). Yopi kaly±ºaputhujjano anulomapaµipad±ya parip³rak±r² s²lasampanno indriyesu guttadv±ro bhojane mattaññ³ j±gariy±nuyogamanuyutto pubbaratt±pararatta½ bodhipakkhiy±na½ dhamm±na½ bh±van±nuyogamanuyutto viharati ‘ajja v± sve v± aññatara½ s±maññaphala½ adhigamiss±m²’ti, sopi sikkhat²ti sekkho”ti–

Vacanato yath±vuttakaly±ºaputhujjanassapi s²l±didhamm± sekkh±ti vuccant²ti? Na, pariy±yabh±vato. Nippariy±yena hi sekkh±sekkhabh±vo yath±sambhava½ maggaphaladhammesu ev±ti lokiyesu sekkhabh±v±saªk±bh±vato asekkhabh±v±n±patti vutt±. Tenev±ha “s²lasam±dh²”ti-±di. Arahattaphaladhamm±pi sikkh±phalabh±vena pavattanato heµµhimaphaladhamm± viya sikkh±su j±t±ti-±di-atthehi sekkh± siyu½, heµµhimaphaladhamm±pi v± sikkh±phalabh±vena pavattanato arahattaphaladhamm± viya asekkh±ti codana½ manasikatv± “pariniµµhitasikkh±kiccatt±”ti vutta½, tath± “heµµhimaphalesu pan±”ti-±di. “Ta½ eva s±li½ bhuñj±mi, s± eva tittir², t±ni eva osadh±n²”ti-±d²su ta½sadisesu tabboh±ro daµµhabbo. Etena ca sekkhasadis± asekkh± yath± “amanusso”ti vutta½ hot²ti aññe. Aññattha “ariµµhan”ti-±d²su vuddhi-atthepi a-k±ro dissat²ti vuddhippatt± sekkh± asekkh±ti ayampi attho vutto.

12. Kilesavikkhambhanasamatthat±y±ti ida½ nidassanamatta½ daµµhabba½. Vitakk±divikkhambhanasamatthat±pi hettha labbhat²ti. Akusalaviddha½sanarasatt± v± kusal±na½ tattha s±tisayakiccayuttata½ parittadhammehi mahaggat±na½ pak±setu½ “kilesavikkhambhanasamatthat±y±”ti vutta½. Vip±kakiriyesu d²ghasant±nat±va, na kilesavikkhambhanasamatthat± vipulaphalat± c±ti attho. “Vipula½ phala½ vipulaphalan”ti eva½ pana atthe gayham±ne vip±kesupi vipulaphalat± labbhateva. Sopi ekasesanayena aµµhakath±ya½ vuttoti veditabbo. Mahantehi gat± paµipann±ti aya½ panattho tiººampi s±dh±raºoti. Guºato aya½ ettakoti satt±na½ pam±ºa½ karont± viya pavattant²ti o¼±rik± kiles± “pam±ºakar±”ti vutt±. Tehi parito khaº¹it± paricchinn±ti paritt±. Satipi kehici paricchinnatte mah±pam±ºabh±vena gat± pavatt±ti mahaggat± Paricchedakar±na½ kiles±na½ sukhum±nampi agocarabh±vato tehi na kathañcipi paricchinn± v²tikkant±ti aparicchinn± appam±º±, yato te “apariy±pann±”tipi vuccanti.
14. Titti½ na janenti santatarat±ya asecanakabh±vato. Ettha ca “pam±ºakareh²”ti-±diko atthavikappo “atappakatthen±”ti-±dik±ya h²nattikapadavaººan±ya parato bah³su potthakesu likh²yati, yath±µh±ne eva pana ±netv± vattabbo.
15. Lokiyas±dhujanehipi atijigucchan²yesu ±nantariyakammanatthikav±d±d²su pavatti vin± vipall±sabalavabh±vena na hot²ti “vipariy±sada¼hat±y±”ti vutta½. Eten±ti “vip±kad±ne sat²”ti-±din± satipi k±laniyame vip±kupp±dane s±saªkavacanena. Tasm±ti yasm± yath±vuttanayena niyatat±ya atippasaªgo dunniv±ro, tasm±. Balavat±…pe… pavatt²ti etena asam±naj±tikena anivattan²yavip±kata½, sam±naj±tikena ca vip±k±nupp±danepi anantara½ vip±kupp±danasamatthat±ya avihantabbata½ anantarik±na½ dasseti. Yato tesa½ vip±kadhammat± viya sabh±vasiddh± niyat±nantariyat±. Aññassa…pe… d±natoti imin±pi asam±naj±tik±d²hi anivattan²yaphalata½ eva vibh±veti.
Codako adhipp±ya½ aj±nanto “nan³”ti-±din± atippasaªgameva codeti. Itaro “n±pajjat²”ti-±din± attano adhipp±ya½ vivarati. Ekanteti avassambh±vini. Sanniyatatt±ti samp±dane janane niyatabh±vato. Uparat± avipaccanasabh±v±saªk± yesu t±ni uparat±vipacca…pe… saªk±ni, tabbh±vo upa…pe… saªkatta½, tasm±. “Na samatthat±vigh±tatt±ti balavat±pi ±nantariyena anupahantabbata½ ±ha. Upatthambhak±ni anubalappad±yak±ni honti uppattiy± sant±nassa visesitatt±. Tena nesa½ vip±k±nupp±danepi amoghavuttita½ ±ha.
16. Maggakicca½ pariññ±di. Aµµhaªgikamaggasamm±diµµhimaggasampayutt±lobh±dosasaªkh±tehi maggahet³hi maggasampayuttakhandhasesamaggaªgasamm±diµµh²na½ sahetukabh±vadassanato tiººa½ nay±na½ asaªgahitasaªgaºhanavasen±ti vutta½. Hetubahut±vasen±ti bahuhetukassa paµhamanayassa anantara½ bahuhetukat±s±maññena nikkhepakaº¹ap±¼iya½ tatiya½ vuttanayo idha aµµhakath±ya½ dutiya½ vutto. Yath±saka½ paccayehi pavattam±nesu nir²hakesu dhammesu kesañci anuvattan²yabh±vo na kevala½ dhammasabh±vatoyeva, atha kho purimadhamm±na½ pavattivisesenapi hot²ti ±ha “pubb±bhisaªkh±ravasen±”ti. Pavattiviseso hi purimapurim±na½ cittacetasik±na½ uttaruttaresu vises±dh±na½ bh±van±pubb±bhisaªkh±roti. Anuvattayam±noti garuk±rayam±no. Ud±haraºavasen±ti nidassanavasena, na niravasesadassanavasena. Yasm± pan±ti-±din± yath±vutta½ attha½ p±µhantarena s±dheti. Tattha hi adhipatipaccayassa paccan²ye µhitatt± maggo adhipati magg±dhipat²ti ayamattho labbhat²ti. Sam±nasaddatthavasen±ti satipi aññapadatthasam±n±dhikaraºasam±satthabhede magg±dhipatisaddatthabhed±bh±va½ sandh±ya vutta½.
17. Uppanna-saddo upp±d±di½ paµipajjam±no, patv± vigato c±ti duvidhesu atthesu ubhayesampi v±cako, na purim±na½yev±ti tamattha½ dassetu½ “anuppann±”ti-±dim±ha. Tattha uppannabh±vo upp±d±dippattat±. Tena at²t±pi saªgahit± honti. Tenev±ha “sabbo uppannabh±vo”ti. Uppannadhammabh±vo “uppann± dhamm±”ti padena gahitadhammabh±vo, vattam±nadhammabh±voti attho. Yo v± upp±d±dippatto attano ca sabh±va½ dh±reti paccayehi ca dh±r²yati, so uppannadhammoti paccuppannabh±vo uppannadhammabh±voti evamettha attho daµµhabbo. Uppannadhamme vatv± “anuppann±”ti vacana½ na yath±dhigatapaµisedhananti kathamida½ paccetabbanti ±ha “yadi h²”ti-±di. Keci panettha “uppann±ti padena at²t±pi saªgahit±. Yadi na saªgahit±, nibb±na½ viya tepi navattabb±ti vattabba½ siy± na ca tath± vuttan”ti vadanti, ta½ pana tesa½ matimattameva. Aya½ pana tiko dvinna½ addh±na½ vasena p³retv± dassitoti aµµhakath±ya½ vakkhat²ti. Eva½ sante kasm± at²t± navattabb±ti na vutt±ti? Dhammavasena asaªgahitatt±bh±vato. Dhammavasena hi asaªgahita½ nibb±na½ tattha navattabba½ j±ta½, na ca niyogato at²t± n±ma dhamm± keci atthi, ye idha asaªgahitatt± navattabb± siyunti. Phalanibbattito k±raºassa puretara½ nibbatti idha pariniµµhitasaddena vuccati, na tassa hutv± vigatabh±voti ±ha “an±gate v±”ti. Yato metteyyassa bhagavato uppajjanakaphalampi “upp±d²”ti vuccati.
20. Yassa jh±n± vuµµhahitv±ti-±din± “ten±nand±”ti-±dip±¼iy± heµµh±p±¼i½ atthavasena dasseti. Ayañhi tattha p±¼i–
“Kathañc±nanda bhikkhu ajjhattameva citta½ saºµhapeti sannis±deti ekodi½ karoti sam±dahati. Idh±nanda, bhikkhu vivicceva…pe… catuttha½ jh±na½ upasampajja viharati. Eva½ kho…pe… sam±dahati. So ajjhatta½ suññata½ manasi karoti, tassa ajjhatta½ suññata½ manasikaroto suññat±ya citta½ na pakkhandati…pe… muccati. Eva½ santameta½, ±nanda, bhikkhu eva½ sampaj±n±ti ajjhatta½ kho me suññata½ manasikaroto ajjhatta½ suññat±ya citta½ na pakkhandati…pe… muccat²ti, itiha tattha sampaj±no hoti. So bahiddh± suññata½…pe… ajjhattabahiddh± suññata½…pe… so ±neñja½ manasi karoti, tassa ±neñja½ manasikaroto ±neñj±ya citta½ na pakkhandati…pe… muccat²ti, itiha tattha sampaj±no hoti. Ten±nanda, bhikkhun±”ti (ma. ni. 3.188).
Tattha ajjhattasuññat±d²s³ti ajjhatta½ bahiddh± ajjhattabahiddh± ca suññat±ya ±neñje ca. Paµhamajjh±n±disam±dhinimitteti p±dakabh³tapaµhamajjh±n±disam±dhinimitte. Apaguºap±dakajjh±nato vuµµhitassa hi ajjhatta½ suññata½ manasikaroto tattha citta½ na pakkhandati. Tato “parassa sant±ne nu kho kathan”ti bahiddh± manasi karoti, tatthapi na pakkhandati. Tato “k±lena attano sant±ne, k±lena parassa sant±ne nu kho kathan”ti ajjhattabahiddh± manasi karoti, tatthapi na pakkhandati. Tato ubhatobh±gavimutto hotuk±mo “ar³pasam±pattiya½ nu kho kathan”ti ±neñja½ manasi karoti, tatthapi na pakkhandati. “Id±ni me citta½ na pakkhandat²”ti vissaµµhav²riyena na bhavitabba½, p±dakajjh±nameva pana s±dhuka½ punappuna½ manasi k±tabba½, evamassa rukkha½ chindato pharasumhi avahante punappuna½ nisitanisita½ k±retv± chindantassa chijje pharasu viya kammaµµh±ne manasik±ro vahat²ti dassetu½ “tasmi½yev±”ti-±di vuttanti.
Atthato ca asam±natt±ti ida½ kasm± vutta½. Nanu yesu atthesu ajjhatta-saddo vattati, te sabbe dassetv± idh±dhippetatthaniddh±raºattha½ atthuddh±ravaseneta½ vutta½. Cakkh±d²su ca ajjhattika-saddo ajjhatt±na½ abbhantarat±visesamup±d±ya pavattati, yato te ajjhatta-ajjhatt±ti vuccanti. Apica “cha ajjhattik±n²”ti ida½ ajjhattika-saddassa cakkh±d²na½ ajjhattabh±vavibh±vanasabbh±vato idha ud±haraºavasena vutta½. Teneva hi aµµhakath±ya½ ajjhattikaduke “ajjhatt±va ajjhattik±”ti vutta½. Evañca sati na ettha saddato asam±nat±pi siy±, tasm±yeva yath±vuttacodana½ visodhento “aya½ panetth±”ti-±dim±ha. Ten±ti tasm±. Ta½v±cakass±ti ajjhattajjhattav±cakassa sakk± vattu½ tadatthassa ajjhattabh±vasabbh±vato.
“Na kho, ±nanda, bhikkhu sobhati saªgaºik±r±mo saªgaºik±rato saªgaºik±r±mata½ anuyutto”ti-±din± (ma. ni. 3.186) pabbajit±s±ruppassa nekkhammasukh±dinik±mal±bhit±ya abh±vassa ca dassanena saªgaºik±r±mat±ya, “n±ha½, ±nanda, eka½ r³pampi samanupass±mi, yattha rattassa yath±bhiratassa r³passa vipariº±maññath±bh±v± na uppajjeyyu½ sokapari…pe… up±y±s±”ti (ma. ni. 3.186) eva½ r³p±diratiy± ca ±d²nava½ vatv± sace koci duppaññaj±tiko pabbajito vadeyya “samm±sambuddho khette paviµµh± g±viyo viya amheyeva gaºato n²harati, ek²bh±ve niyojeti, saya½ pana r±jar±jamah±matt±d²hi parivuto viharat²”ti, tassa vacanok±supacchedanattha½ cakkav±¼apariyant±ya paris±ya majjhe nisinnopi tath±gato ekakov±ti dassanattha½ “aya½ kho pan±”ti desan± ±raddh±ti ±ha “tappaµipakkhavih±radassanatthan”ti. Tattha sabbanimitt±nanti r³p±d²na½ saªkhatanimitt±na½ Ajjhattanti visayajjhatta½. Suññatanti anatt±nupassan±nubh±vanibbattaphalasam±patti½. Tenev±ha “ajjhattan”ti-±di. Tattha dutiye vikappe µh±na-saddo k±raºapariy±yo daµµhabbo. Saccakasutten±ti mah±saccakasuttena. Tattha hi–
“Abhij±n±mi kho pan±ha½, aggivessana, anekasat±ya paris±ya dhamma½ deset±, apissu ma½ ekameko eva½ maññati ‘mamev±rabbha samaºo gotamo dhamma½ deset²’ti. Na kho paneta½, aggivessana, eva½ daµµhabba½. Y±vadeva viññ±panatth±ya tath±gato paresa½ dhamma½ deset²ti. So kho aha½, aggivessana, tass±yeva kath±ya pariyos±ne tasmi½yeva purimasmi½ sam±dhinimitte ajjhattameva citta½ saºµhapemi sannis±demi, ekodi½ karomi, sam±dah±mi ‘yena suda½ niccakappa½ vihar±m²”ti (ma. ni. 1.387)–

¾gatanti.

22. Aññehi anidassanehi añña½ viya katv± yath± “sil±puttakassa sar²ran”ti. Dhammasabh±vas±maññen±ti-±din± kiñc±pi r³p±yatanato añño nidassanabh±vo n±ma natthi, dhammasabh±vo pana atthi. Tato ca r³p±yatanassa viseso nidassanabh±vena katoti tadaññadhammavisesakaro nidassanabh±vo r³p±yatanato anaññopi añño viya katv± upacaritoti dasseti. Atthaviseso s±maññavisesatthabhedo. Saya½ sampatt±na½ phoµµhabbadhamm±na½, nissayavasena sampatt±na½ gh±najivh±k±y±na½ gandharas±nañca, itaresa½ asampatt±na½. Aññamaññapatana½ aññamaññassa yogyadese avaµµh±na½, yena paµihananabh±vena. By±p±r±d²ti cittakiriy±v±yodh±tuvipph±ravasena akkhipaµal±d²na½ heµµh± upari ca sa½s²danalaªghan±dippavattim±ha. Vik±ruppatti visadisuppatti, visayassa iµµh±niµµhabh±vena anuggaho upagh±to c±ti attho.

Tikam±tik±padavaººan± niµµhit±.