Dukanikkhepakath±vaººan±

1062. Mett±ya ayana½ upagamana½ mett±yana½, tañca attano sant±ne mett±ya l±bho upp±dana½ satt±na½ anupagamo atthato majjanamev±ti “mett±, medanan”ti vatv± “sinehanan”ti ±ha.
1065. Tasmi½ tasmi½ visaye citta½ sa½rañjat²ti cittassa sa½rañjana½. Taºh±vicarit±d²ti ±di-saddena esan±dayo saªgahit±. Taºh±ya vipulat± visayavasena pavattivasena v± veditabb±. Anicc±disabh±vassa r³p±dikassa nicc±dito gahaºa½ abhiniveso visesato taºh±vasena hoti taºh±rahit±ya diµµhiy± abh±v±ti upac±ravasena nimittassa kattubh±vam±ha “nicc±dito gaºhant² visa½v±dik± hot²”ti. P±kaµena saddena labbham±natt± yath±rutaviññ±yam±natt± ca visattik±saddassa visatasabh±vo “padh±no attho”ti vutto. “Antalikkhacaro p±so, yv±ya½ carati m±naso. Tena ta½ b±dhayiss±m²”ti-±divasena (sa½. ni. 1.151; mah±va. 33) m±rena gahitat±ya.
1066. Anatthacaraº±di-anabhisandh±nakat±ya aµµh±nabh³tesu ca vassav±t±disaªkh±resu uppannakopo viya sattesu atth±caraº±din± ±ropan±dhipp±yesuyeva tadajjh±ropanavasena pavatto yadipi an±yatanuppattiy± aµµh±n±gh±toyeva hoti, sattavisayatt± pana sati cittassa ekantaby±pattiya½ kammapathabhedo hotiyev±ti sakk± viññ±tu½, aµµh±nuppattiya½ panassa na siy± kammapathabhedoti ±ha “sattesu uppanno aµµh±nakopo karot²”ti. Paµigh±dipad±na½ ghaµµan±purimay±mavik±ruppattisamaññ±d²supi dassanato “paµivirodh±dipad±ni tesa½ visesanatth±n²”ti vutta½.
1091. Dve dhamm± tayo dhamm±ti saddantarasannidh±nena paricchedavato bahuvacanassa dassanato “aparicchedena bahuvacanen±”ti vutta½. Uddeso katoti iti-saddo hetu-attho. Tena bahuvacanena uddesakaraºa½ bahuvacanena pucch±ya k±raºanti d²peti. Uddes±nuvidh±yin² hi pucch±ti. Tath± hi saªkh±paricchinne uddese “katame v± tayo”ti saªkh±paricchinn±va pucch± kar²yat²ti. Uddesena dhamm±na½ atthit±mattavacanicch±ya½ sabh±vabh³mik±raºaphal±diparicchedo viya saªkh±paricchedopi na k±tabboti adhipp±yena “aniddh±ritaparicchede”ti-±di vutta½. “Apaccay± dhamm±”ti padato pana heµµh± anekabhedabhinn± dhamm± aparicchedena bahuvacaneneva uddiµµh±, uddhañca tath± uddis²yant²ti ta½ sotapatitat±ya bhed±bh±vepi paramatthato appaccayadhammassa asaªkhatadhammassa ca sop±disesanirup±disesar±gakkhay±di-asaªkhat±divacanavacan²yabh±vena upacaritabhedegahite padadvayena atthi k±ci bhedamatt±ti aparicchedena bahuvacanena uddeso katoti yutta½ siy±. Uddes±nus±r²ni pucch±nigaman±n²ti t±nipi tath± pavatt±ni. Niddeso pana yath±dhippetasabh±v±diparicchedavibh±vanavaseneva k±tabboti asaªkhat± dh±tu icceva kato paramatthato bhed±bh±vad²panatthanti daµµhabba½. Kathetuk±mat±vasena pucchanto yassa katheti, tena k±tabbapucch±ya karaºato taggata½ aj±nana½ sa½saya½ v± anuvidh±yayeva pucchat²ti “sabh±va…pe… aj±nantassa vasena pucch± kar²yat²”ti vutta½. Niddesato pubbeti-±din± aµµhakath±ya½ vutta½ pucch±nusandhi½yeva vibh±veti.
1101. Bhinditv±ti vibhajitv±. R³p±va…pe… viññeyy±ti k±m±vacarakusalamah±kiriyaviññ±ºena mahaggatadhamm±na½ sammasanavasena yath±yoga½ mahaggatappam±ºadhamm±na½ paccavekkhaº±divasena r³par±g±r³par±gasampayuttena akusalamanoviññ±ºena mahaggatadhamm±na½ abhinivesana-ass±danavasena ta½ta½paññattiyañca ta½ta½voh±ravasena pavattena ±vajjanena ca yath±vuttaviññ±º±na½ purec±rikena k±m±vacaradhamm± na viññeyy±. Itaren±ti paritt±rammaºena. K±m±vacar±nameva ±rammaº±nanti niddh±raºe s±mivacana½. R³p±rammaº±d²hi viññ±ºehi tattha r³p±rammaºena viññ±ºenapi sadd±d²na½ aviññeyyat± r³passa ca viññeyyat±. Eva½ sesesupi yojan± daµµhabb±. Cakkhudv±rikena sadd±d²na½ aviññeyyat± r³passa viññeyyat±ti-±din± dv±rabhedavasena yojetabba½. Itaranti iµµhamajjhatta½ aniµµhamaniµµhamajjhattañca. R³p±vacar±dayo k±m±vacaravip±k±d²h²ti r³p±vacar±r³p±vacaralokuttarapaññattiyo k±m±vacaravip±kehi lokuttar± k±m±vacarato ñ±ºavippayuttakusalakiriyehi akusalehi ca aviññeyy±ti yojetabba½. Nibb±nassa avij±nanasabh±vo eva attasambhavo.
1102. R³p±r³p±vacarakamm³papattibhave diµµhirahito lobho bhav±savoti yath±vuttavisayo diµµhisahito sabbak±m±vacaradhammavisayo ca lobho k±m±savo bhavitu½ yuttoti vutta½ “bhav±sava½…pe… siy±”ti. K±m±savabhav±savavinimuttassa hi lobhassa abh±va½ sayameva vakkhat²ti. P±¼iyanti aµµhakath±kaº¹ap±¼iya½. Tattha yath± “k±m±savo aµµhasu lobhasahagatacittupp±desu uppajjat²”ti vutta½, eva½ “bhav±savo aµµhasu lobhasahagatacittupp±desu uppajjat²”ti avatv± “cat³sudiµµhigatavippayuttalobhasahagatacittupp±desu uppajjat²”ti (dha. sa. 1465) vuttatt± “bhav±savo…pe… yuttesu eva uppajjat²”ti p±¼iya½ vuttoti s±vadh±raºa½ vutta½. Tath± ca vakkhati “bhav±savo cat³su diµµhigatavippayuttesu avijj±savena saddhi½ ekadh±va ekato uppajjat²”ti (dha. sa. aµµha. 1473). Sopi r±goti sassatadiµµhisahagato r±go. K±mabhavapatthan± viya k±m±savoti yutta½ vattu½. Sassatadiµµhisahagatar±gak±mabhavapatthan±nampi hi bhav±savoti vattabbapariy±yo atth²ti “sassatadiµµhisahagato r±go bhavar±gavasena patthan± bhav±savo n±m±”ti vutta½, na tesa½ idha adhippetabhav±savabh±vadassanatthanti aµµhakath±ya½ adhipp±yo daµµhabbo. Tath± hi “r³p±r³pasaªkh±te kammato ca upapattito ca duvidhepi bhave ±savo bhav±savo”ti vuttanti. Tattha k±mabhavapatthan±ya t±va k±m±savabh±vo hotu, r³p±r³pabhavesu sassat±bhinivesasahagatar±gassa kathanti? Sopi yath±vuttavisaye k±manavasena pavattito k±m±savoyeva n±ma. Sabbepi hi tebh³mak± dhamm± kaman²yaµµhena k±m±ti. Na cettha aniµµhappasaªgo diµµhivippayuttalobhassa bhav±savabh±vena visu½ uddhaµatt±. Avassañcetameva½ viññ±tabba½, itarath± r³p±r³pabhavesu ucchedadiµµhisahagatassapi lobhassa bhav±savabh±vo ±pajjeyy±ti. K±m±sav±dayo eva diµµhadhammikasampar±yik±savabh±vena dvidh± vutt±.
1103. Idha p±¼iy±pi bhav±savavinimuttalobhassa k±m±savabh±vo na na sakk± yojetunti dassetu½ “k±m±savaniddese c±”ti-±di vutta½. “Dhammacchando saddh±”ti keci.
1105. Up±d±nakkhandhesveva pavattati tabbinimuttassa dhammassa j²vaggahaºavisayassa paramatthato abh±v±. R³pe…pe… viññ±ºe v± pana na patiµµh±ti r³p±d²na½ avipar²tasabh±vamatte aµµhatv± saya½ sam±ropitassa tesu parikappan±mattasiddhassa kassaci ±k±rassa abhinivesanato. Tenev±ha “tato añña½ katv±”ti. Tato up±d±nakkhandhato. Vedan±dayopi hi keci diµµhigatik± anicc±ti passant²ti. Tatoti v± sar²rasaªkh±tar³pakkhandhato. “Añña½ j²va½ añña½ sar²ran”ti hi vutta½. Hot²ti bhavati sassata½ att±ti attho. Aññanti brahma-issar±dito añña½.
Ar³pabhavo viya r³par±gappah±nena r³pabhavo k±mar±gappah±nena pattabbo. R³p²brahm±nañca pañcak±maguºiko r±go pah²yati, na vim±n±d²su r±goti so ak±mar±goti katv± k±m±savo na hot²ti aµµhakath±ya½ paµikkhitta½. ݲk±k±rehi pana k±m±savabhav±savavinimuttalobh±bh±vadassanena r³p²brahm±na½ vim±n±dir±gassapi k±macchand±dibh±vato diµµhivippayuttar³p±r³pabhavar±gavinimutto sabbo lobho k±m±savoti dassito. Tattha yutta½ vic±retv± gahetabba½. Siy± ±savasampayutto k±mar±gena bhavar±gena v± sahuppattiya½, siy± ±savavippayutto tadaññar±gena sahuppattiya½, “cat³su diµµhigat±”ti-±dip±¼iy± abh±vadassanena k±m±savabhav±savavinimuttalobh±bh±va½ dassetv± “k±m±savo”ti-±dip±¼idassanena diµµhir±gassa k±m±savabh±va½ s±dheti. Pah±tabbadassanatthanti pah±tabbat±dassanattha½. Pah±neti pah±nanimitta½.
1121. J±tiy±ti khattiyasabh±v±dij±tisampattiy±. Gotten±ti gotamagott±di-ukkaµµhagottena. Kolaputtiyen±ti mah±kulabh±vena. Vaººapokkharat±y±ti vaººasampannasar²rat±ya. “Pokkharan”ti hi sar²ra½ vuccat²ti. M±na½ jappet²ti m±na½ pavatteti karoti. Pavatto m±no pavattam±no. Puggalavisesanti seyyassa seyyoti-±dibheda½ puggalavisesa½. Seyya½ bhinditv± pavattam±no seyyam±no. Tiººanti seyyassa seyy±d²na½ tiººa½ “seyyohamasm²”ti-±din± añña½ puggala½ aniss±ya vutt±na½. Seyy±divasena attano manana½ paggaho m±no, tassa karaºa½ seyyohamasm²ti-±dipavattiyev±ti vutta½ “seyyoti ±dikiccakaraºan”ti.
1140. Sabbopi lobho abhijjh±sabh±voti abhijjh± ±savadvayasabh±v±, k±mar±go k±m±savasabh±vo ev±ti ±savadvaya-ek±savabh±vo abhijjh±k±mar±g±na½ viseso vutto. Na abhijjh± ca dhamm± µhapetv± diµµhi½ avijjañca no-±savasabh±v±. Abhijjh± ca ±savadvayasabh±v± eva, na-abhijjh±sabh±vo ca lobho natth²ti adhipp±yena “no-±savalobhassa sabbh±vo vic±retabbo”ti ±ha. Gaºan±ya hetuy± satt±ti vuttanti pañh±v±rap±µha½ sandh±ya vutta½. Tattha hi “±savo dhammo ±savassa dhammassa hetupaccayena paccayo. ¾savo dhammo no-±savassa dhammassa. ¾savo dhammo ±savassa ca no-±savassa ca. No-±savo dhammo no-±savassa. No-±savo dhammo ±savassa. No-±savo dhammo ±savassa ca no-±savassa ca. ¾savo ca no-±savo ca dhamm± no-±savassa hetupaccayena paccayo”ti (paµµh±. 3.3.16) imesa½ v±r±na½ vasena “gaºan±ya satt±”ti vutta½. Tattha yadi no-±savasabh±vopi lobho siy±, diµµhisampayuttacittassa vasena “±savo ca no-±savo ca dhamm± mohayath±vuttalobh± ±savassa dhammassa diµµhiy± hetupaccayena paccayo”ti sattamo, p±¼iya½ ±gata½ sattama½ aµµhama½ katv± “±savo ca no-±savo ca dhamm± ±savassa ca no-±savassa ca dhammassa hetupaccayena paccayo”ti navamo pañho vucceyya, na pana vuttoti. Eva½ diµµhisampayuttalobhassa no-±savabh±v±bh±va½ dassetv± itarassapi ta½ dassetu½ “diµµhivippayutte c±”ti-±di vutta½.
1162. Yath±r³pe r³pappabandhe vattam±ne puggalo gacchati tiµµhati nis²dat²ti vuccati, tath± visadar³passa upp±daka½ citta½ iriy±path³patthambhaka½. Ta½ pana kusalato kiriyato ca pañcamajjh±nacitta½ abhiññ±ppatta½ appattañca bhinditv± sattapaññ±sa javan±ni voµµhabbanañc±ti aµµhapaññ±savidha½. Sahaj±tadhamm±na½ akammaññabh±vakaratt± thinamiddhasahagatacitta½ visad±ni r³p±ni na samuµµhapeti na upatthambheti c±ti vutta½ “iriy±patha½ sandh±retu½ asakkontan”ti.
1163. Vipakkhepi bh±vato anekantikatt± r³patt±s±dhakatta½. Garubh±vappatti lahut±viraho daµµhabbo. Satipi aññesampi akusal±d²na½ lahut±virahe thinamiddh±na½ ekantato lahut±paµipakkhatt± k±raº±nur³patt± ca phalassa “thinamiddhasamuµµhitar³peh²”ti vutta½. Na j±gara…pe… santatinti etena n±mak±ye supanassa asiddhata½ dasseti. Middhassa phalatt±ti ettha middha½yeva nidd±k±raºanti n±ya½ niyamo icchito, nidd±k±raºameva pana middhanti niyamo icchitoti daµµhabbo. Tath± hi kh²º±sav±na½ nidd±ya middhato añña½ k±raºa½ karajak±yassa dubbalabh±vo aµµhakath±ya½ dassitoti.
Ch±dana½ avattharaºa½ v± on±ho, so r³passeva sabh±voti parassa ±saªka½ manasi katv± ±ha “tena saha vutt± on±hapariyon±h± c±”ti. Asaªkocavasena visad± pavatti vipph±rikabh±vo. ¾varaºabh±vo viy±ti etena ±varaºasabh±vattepi middhassa tabbidhuro anaññas±dh±raºatt± onahan±dibh±voti dasseti. S±maññañhi pañcannampi k±macchand±d²na½ ±varaºasabh±voti ±varaºabh±vasadisassa onahan±dibh±vassa n±mak±ye labbham±nassa gahitat±ti etth±dhipp±yo.
P±nanti anuyogoti ca ta½kiriy±s±dhik± cetan± adhippet±ti sur±p±nassa sur±…pe… yogassa ca akusalabh±vena upakkilesadubbal²karaºabh±vo yuttoti vutto. “Sur±merayassa ajjhoharaºa½ p±na½ pam±daµµh±n±nuyogo c±”ti parassa adhipp±yo. N²varaºa½ hutv± v±ti-±din± ida½ dasseti “n²varaºasabh±v±na½ n²varaºasampayuttabh±vadassanapar±ya codan±ya n²varaºanti katthaci adiµµhapayogassa asampayuttassa r³passa yath±l±bhato gahaºa½ ñ±yoyeva na hoti, siddhan²varaºabh±vasampayuttasabh±v±na½yeva pana gahaºanti ta½sabh±v± ar³padhamm±yeva dassit±, na r³panti thina½ viya middhampi ar³pamev±ti viññ±yat²”ti. Yanti yena vacanena. Asambhavavacanatoti asambhavavacanabh±vato.
Ten±ti tena r³p±rammaºassa chandar±gassa pah±navacanena. R³pappah±nato aññoti katv± r³pe chandar±gappah±na½ “añño k±ro”ti vutta½. Ya½ aµµhakath±ya½ “aññath±”ti vutta½. Idanti-±din± “ta½ pajahath±”ti p±¼iy± na nippariy±yappah±na½ adhippetanti dasseti. Ar³passeva yujjat²ti sududdasa½ d³raªgam±dippavattaka½ citta½ ta½sampayutto ar³padhammoyeva vibandhitu½ samatthoti dasseti. Cetaso pariyuµµh±nanti kusalacittassa gahaºa½. N²varaº±ni hi uppajjam±n±ni uppajjitu½ appad±nena kusalav±ra½ gaºhant²ti vuccanti. Gahaºañcettha pariyuµµh±na½ “cor± magge pariyuµµhi½s³”ti-±d²su viya.
1176. Uddhacca½ kukkuccañca saha vuttanti uddesapucch±nigamane sandh±ya vutta½. Ya½ pana aµµhakath±ya½ uddhaccassa kukkuccena vin±bh±vak±raºa½ vatv± “bhinditv± vuttan”ti vutta½, ta½ “n²varaº± ceva n²varaºasampayutt± c±”ti padassa niddese uddhaccakukkucc±na½ visu½ niddiµµhata½ sandh±ya vutta½. K±macchandassa ukkaµµhan²varaºat± orambh±giyabh±vo. So hi r³par±g±r³par±gappak±rak±macchanda½ up±d±ya tato tibbakiccat±ya “ukkaµµhan²varaºan”ti vuccati. K±macchandan²varaºantveva lobho vutto, na bhinditv±. K±macchandan²varaºassa ca anavasesato an±g±mimaggena pah±ne vuccam±ne catutthamaggavajjho lobho an²varaºasabh±vo ±pajjat²ti ±ha “yadi…pe… siy±”ti. Non²varaºo r³par±g±r³par±gappak±ro lobhadhammo n²varaºassa avijj±dikassa. ¾di-saddena “non²varaºo dhammo n²varaºassa ca non²varaºassa ca dhammassa. N²varaºo ca non²varaºo ca dhamm± n²varaºassa dhammassa. N²varaºo ca non²varaºo ca dhamm± non²varaºassa dhammassa. N²varaºo ca non²varaºo ca dhamm± n²varaºassa ca non²varaºassa ca dhammassa hetupaccayena paccayo”ti (paµµh±. 3.8.25) ime pañhe saªgaºh±ti. Catt±r²ti vutta½ n²varaºapadam³lak±na½ tiººa½ non²varaºam³lakassa ekassa vasena. N²varaºanon²varaºatadubhayam³lak±na½ pana tiººa½ tiººa½ vasena nav±ti vutta½. Tasm±ti yath±dassitanay±ya p±¼iy± abh±v± non²varaºalobh±bh±v±.
1219. Tenev±ti purimadiµµhi-±k±reneva uppajjam±nena. Diµµhigatikehi vuccam±n±na½ “nicca½ subhan”ti evam±divacan±na½, diµµhirahitehi vuccam±n±na½ gaganakusum±dilokavoh±ravacan±nañca vatth³ni v±c±vatthumatt±n²ti ±ha “v±c±…pe… v±”ti.
1221. Cittena paraloke µhitoti yasmi½ loke nibbattivasena saya½ µhito, tato añña½ loka½ paralokoti cittena gahetv± µhito.
1236. Na hi purimeh²ti-±din± paµhamamagg±d²hi samuggh±µita-ap±yagaman²yabh±v±dik± eva r±g±dayo dutiyamagg±d²hi pah²yant²ti dasseti.
1287. Upaµµhitepi duggatinimitt±dike na tath± tibbo lobho uppajjati, yath± sugatinimitt±diketi ±ha “balavanikantivirahen±”ti.
1301. Ekasmi½ cittupp±de uppann±na½ viya ekasmi½ sant±ne uppann±nampi sahapavattipariy±yo atth²ti pah±nekaµµhena r±garaºena vicikicchuddhaccasahagatamohassa saraºat± vutt±. Uddhaccavicikicch±hi yo moho sahaj±to bhave, sopi r±gena saraºo pah±nekaµµhabh±vatoti Lobhadosamohatadekaµµhakilesata½sampayuttakkhandhata½samuµµh±nakammabhedato sabbassapi akusalassa saªgahaºavasena pavatto saraºapadaniddeso araºavibhaªgasuttenapi aññadatthu sa½sandat²ti dassetu½ “araºavibhaªgasutte”ti-±dim±ha. Ya½ pana aµµhakath±ya½ sampayogappah±nekaµµhabh±vad²panena r±g±d²na½ sabbesa½ v± akusaladhamm±na½ saraºabh±vadassana½, ta½ p±¼iy± yath±dassitadhamm±na½ aññamaññasaraºabh±vadassanapara½, tadaññadhamm±na½ saraºabh±vapaµisedhanaparanti araºavibhaªgasuttavirodhoti daµµhabba½. Suttantadesan±ya v± pariy±yakath±bh±vato nippariy±yato saraºabh±vo viya araºabh±vopi akusaladhamm±na½yev±ti tath±pavatt±ya aµµhakath±ya na koci suttavirodhoti daµµhabba½.