Hadayanti hadayama½sa½. Ta½ vaººato ratta½ padumapattapiµµhivaººa½. Saºµh±nato b±hirapatt±ni apanetv± adhomukhaµhapitapadumamaku¼asaºµh±na½. Bahi maµµha½; anto kos±tak²phalassa abbhantarasadisa½. Paññavant±na½ thoka½ vikasita½, mandapaññ±na½ maku¼itameva. Anto cassa punn±gaµµhipatiµµh±namatto ±v±µako hoti, yattha a¹¹hapasatamatta½ lohita½ saºµh±ti; ya½ niss±ya manodh±tu manoviññ±ºadh±tu ca vattanti. Ta½ paneta½ r±gacaritassa ratta½ hoti, dosacaritassa k±¼aka½, mohacaritassa ma½sadhovanudakasadisa½, vitakkacaritassa kulatthay³savaººa½, saddh±caritassa kaºik±rapupphavaººa½, paññ±caritassa accha½ vippasanna½ an±vila½ paº¹ara½ parisuddha½ niddhotaj±timaºi viya jutimanta½ kh±yati. Disato uparim±ya dis±ya j±ta½. Ok±sato sar²rabbhantare dvinna½ than±na½ majjhe patiµµhita½. Paricchedato hadaya½ hadayabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Yakananti yamakama½sapaµala½. Ta½ vaººato rattapaº¹ukadh±tuka½, n±tirattakumudassa pattapiµµhivaººa½. Saºµh±nato m³le eka½, agge yamaka½ kovi¼±rapattasaºµh±na½ Tañca dandh±na½ ekameva hoti mahanta½, paññavant±na½ dve v± t²ºi v± khuddak±ni. Disato uparimadis±ya j±ta½. Ok±sato dvinna½ than±na½ abbhantare dakkhiºapassa½ niss±ya µhita½. Paricchedato yakana½ yakanabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Kilomakanti paµicchann±paµicchannabhedato duvidha½ pariyonahanama½sa½. Ta½ duvidhampi vaººato seta½, duk³lapilotikavaººa½. Saºµh±nato attano ok±sasaºµh±na½. Disato paµicchannakilomaka½ uparim±ya dis±ya j±ta½. Itara½ dv²su dis±su j±ta½. Ok±sato paµicchannakilomaka½ hadayañca vakkañca paµicch±detv± µhita½. Apaµicchannakilomaka½ sakalasar²re cammassa heµµhato ma½sa½ pariyonaddhitv± µhita½. Paricchedato heµµh± ma½sena, upari cammena, tiriya½ kilomakabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Pihakanti udarajivh±ma½sa½. Ta½ vaººato n²la½ nigguº¹ikapupphavaººa½. Saºµh±nato sattaªgulappam±ºa½ abandhana½ k±¼avacchakajivh±saºµh±na½. Disato uparim±ya dis±ya j±ta½. Ok±sato hadayassa v±mapasse udarapaµalassa matthakapassa½ niss±ya µhita½, yasmi½ paharaºappah±rena bahi nikkhante satt±na½ j²vitakkhayo hoti. Paricchedato pihakabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Papph±santi dvatti½sama½sakhaº¹appabheda½ papph±sama½sa½. Ta½ vaººato ratta½ n±tipakka-udumbaraphalavaººa½. Saºµh±nato visamacchinnabahalap³vakhaº¹asaºµh±na½. Abbhantare asitap²t±na½ abh±ve uggatena kammajatejusman± abbh±hatatt± saªkh±ditapal±lapiº¹amiva nirasa½ niroja½. Disato uparim±ya dis±ya j±ta½. Ok±sato sar²rabbhantare dvinna½ than±namantare hadayañca yakanañca paµicch±detv± olambanta½ µhita½. Paricchedato phapph±sabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Antanti purisassa dvatti½sa hatth±, itthiy± aµµhav²satihatth± ekav²satiy± µh±nesu obhagg± antavaµµi. Tadeta½ vaººato seta½ sakkharasudh±vaººa½ Saºµh±nato lohitadoºiya½ ±bhujitv± µhapitas²sacchinnasappasaºµh±na½. Disato dv²su dis±su j±ta½. Ok±sato upari galav±µake heµµh± ca kar²samagge vinibandhatt± galav±µakakar²samaggapariyante sar²rabbhantare µhita½. Paricchedato antabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Antaguºanti antabhogaµµh±nesu bandhana½. Ta½ vaººato seta½ dakas²talikam³lavaººa½. Saºµh±nato dakas²talikam³lasaºµh±nameva. Disato dv²su dis±su j±ta½. Ok±sato kud±¼apharasukamm±d²ni karont±na½ yant±ka¹¹hanak±le yantasuttamiva, yantaphalak±ni antabhoge ekato aga¼ante ±bandhitv± p±dapuñchanarajjumaº¹alakassa antar± ta½ sibbetv± µhitarajjuk± viya ekav²satiy± µh±nesu antabhog±na½ antar± µhita½. Paricchedato antaguºabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Udariyanti udare bhava½ asitapitakh±yitas±yita½. Ta½ vaººato ajjhohaµ±h±ravaººa½. Saºµh±nato pariss±vane sithilabandhataº¹ulasaºµh±na½. Disato uparim±ya dis±ya j±ta½. Ok±sato udare µhita½. Udara½ n±ma ubhato nipp²¼iyam±nassa allas±µakassa majjhe sañj±taphoµakasadisa½ antapaµala½; bahi maµµha½, anto ma½sakasambukapaliveµhanakiliµµhap±v±rakapupphakasadisa½, kuthitapanasatacassa abbhantarasadisantipi vattu½ vaµµati; yattha takkoµak±, gaº¹upp±dak±, t±lah²rak±, s³cimukhak±, paµatantasuttak± iccevam±didvatti½sakulappabhed± kimayo ±kulaby±kul± saº¹asaº¹ac±rino hutv± nivasanti; ye p±nabhojan±dimhi avijjam±ne ullaªghitv± viravant± hadayama½sa½ abhihananti, p±nabhojan±di-ajjhoharaºavel±ya ca uddha½mukh± hutv± paµhamajjhohaµe dve tayo ±lope turitaturit± vilumpanti; ya½ tesa½ kim²na½ s³tighara½, vaccakuµi, gil±nas±l±, sus±nañca hoti.
Yattha seyyath±pi n±ma caº¹±lag±madv±re candanik±ya nid±ghasamaye th³laphusitake deve vassante udakena vuyham±na½ muttakar²sacamma-aµµhinh±rukhaº¹akhe¼asiªgh±ºikalohitappabhuti n±n±kuºapaj±ta½ nipatitv± kaddamodak±lu¼ita½ dv²hat²haccayena sañj±takimikula½ s³riy±tapavegasant±pakuthita½ upari pheºapubbulake muñcanta½ abhin²lavaººa½ paramaduggandhajeguccha½ neva upagantu½ na daµµhu½ arahar³pata½ ±pajjitv± tiµµhati, pageva gh±yitu½ v± s±yitu½ v±; evameva n±nappak±rap±nabhojan±didantamusalasañcuººita½ jivh±hatthaparivattitakhe¼al±l±palibuddha½ taªkhaºavigatavaººagandharas±disampada½ tantav±yakhalisuv±navamathusadisa½ nipatitv± pittasemhav±tapaliveµhita½ hutv± udaraggisant±pavegakuthita½ kimikul±kula½ upar³pari pheºapubbulak±ni muñcanta½ paramakasambuduggandhajegucchabh±va½ ±pajjitv± tiµµhati; ya½ sutv±pi p±nabhojan±d²su amanuññat± saºµh±ti, pageva paññ±cakkhun± avaloketv±, yattha ca patita½ p±nabhojan±di pañcadh± vibh±ga½ gacchati– eka½ bh±ga½ p±ºak± kh±danti, eka½ bh±ga½ udaraggi jh±peti, eko bh±go mutta½ hoti, eko kar²sa½, eko rasabh±va½ ±pajjitv± soºitama½s±d²ni upabr³hayati. Paricchedato udarapaµalena ceva udariyabh±gena ca paricchinna½. Ayamassa sabh±gaparicchedo. Visabh±gaparicchedo pana kesasadisova.
Kar²santi vacca½. Ta½ vaººato yebhuyyena ajjhohaµ±h±ravaººameva hoti. Saºµh±nato ok±sasaºµh±na½. Disato heµµhim±ya dis±ya j±ta½. Ok±sato pakk±saye µhita½. Pakk±sayo n±ma heµµh± n±bhipiµµhikaºµakam³l±namantare ant±vas±ne ubbedhena aµµhaªgulamatto ve¼un±¼ikasadiso, yattha seyyath±pi n±ma upar³pari bh³mibh±ge patita½ vassodaka½ oga¼itv± heµµh± bh³mibh±ga½ p³retv± tiµµhati; evameva ya½ kiñci ±m±saye patita½ p±nabhojan±dika½ udaraggin± pheºuddehaka½ pakka½ pakka½ nisad±ya pisitamiva saºhabh±va½ ±pajjitv± antabilena oga¼itv± oga¼itv± madditv± ve¼upabbe pakkhipam±napaº¹umattik± viya sannicita½ hutv± tiµµhati. Paricchedato pakk±sayapaµalena ceva kar²sabh±gena ca paricchinna½. Ayamassa sabh±gaparicchedo. Visabh±gaparicchedo pana kesasadisova.
Matthaluªganti s²sakaµ±habbhantare µhitamiñjar±si. Ta½ vaººato seta½ ahicchattakapiº¹ikavaººa½, dadhibh±va½ asampattaduµµhakh²ravaººantipi vattu½ vaµµati. Saºµh±nato ok±sasaºµh±na½. Disato uparim±ya dis±ya j±ta½. Ok±sato s²sakaµ±habbhantare catt±ro sibbinimagge niss±ya samodh±netv± µhapit± catt±ro piµµhapiº¹± viya samohita½ tiµµhati. Paricchedato s²sakaµ±hassa abbhantaratalehi ceva matthaluªgabh±gena ca paricchinna½. Ayamassa sabh±gaparicchedo. Visabh±gaparicchedo pana kesasadisova.
Pittanti dve pitt±ni– baddhapittañca abaddhapittañca. Tattha baddhapitta½ vaººato bahalamadhukatelavaººa½, abaddhapitta½ mil±ta-±kulitapupphavaººa½. Ta½ saºµh±nato ubhayampi ok±sasaºµh±na½. Disato baddhapitta½ uparim±ya dis±ya j±ta½, itara½ dv²su dis±su j±ta½. Ok±sato abaddhapitta½ µhapetv± kesalomadantanakh±na½ ma½savinimuttaµµh±nañceva thaddhasukkhacammañca udakamiva telabindu½ avasesasar²ra½ by±petv± µhita½, yamhi kupite akkh²ni p²tak±ni honti bhamanti, gatta½ kampati kaº¹uyati. Baddhapitta½ hadayapapph±s±namantare yakanama½sa½ niss±ya patiµµhite mah±kos±tak²kosakasadise pittakosake µhita½, yamhi kupite satt± ummattak± honti, vipallatthacitt± hirottappa½ cha¹¹etv± akattabba½ karonti, abh±sitabba½ bh±santi, acintetabba½ cintenti. Paricchedato pittabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Semhanti sar²rabbhantare ekapattap³rappam±ºa½ semha½. Ta½ vaººato seta½ n±gabalapaººarasavaººa½. Saºµh±nato ok±sasaºµh±na½. Disato uparim±ya dis±ya j±ta½. Ok±sato udarapaµale µhita½, ya½ p±nabhojan±d²ni ajjhoharaºak±le seyyath±pi n±ma udake sev±lapaºaka½ kaµµhe v± kap±le v± patante chijjitv± dvidh± hutv± puna ajjhottharitv± tiµµhati, evameva p±nabhojan±dimhi nipatante chijjitv± dvidh± hutv± puna ajjhottharitv± tiµµhati; yamhi ca mand²bh³te pakkagaº¹o viya p³tikukkuµaº¹amiva ca udara½ paramajeguccha½ kuºapagandha½ hoti; tato uggatena ca gandhena uddekopi mukhampi duggandha½ p³tikuºapasadisa½ hoti; so ca puriso ‘apehi, duggandha½ v±yas²’ti vattabbata½ ±pajjati; yañca va¹¹hitv± bahalattam±panna½ pidh±naphalakamiva vaccakuµiy± udarapaµalassa abbhantareyeva kuºapagandha½ sannirujjhitv± tiµµhati. Paricchedato semhabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.
Pubboti p³tilohitavasena pavattapubbo. So vaººato paº¹upal±savaººo, matakasar²re pana p³tibahal±c±mavaººo hoti. Saºµh±nato ok±sasaºµh±no. Disato dv²su dis±su j±to. Ok±sato pana pubbassa ok±so n±ma nibaddho natthi yattha so sannicito tiµµheyya; yatra yatra pana kh±ºukaºµakappaharaºaggij±l±d²hi abhihate sar²rappadese lohita½ saºµhahitv± paccati, gaº¹api¼ak±dayo v± uppajjanti, tatra tatreva tiµµhati. Paricchedato pubbabh±gena paricchinno Ayamassa sabh±gaparicchedo. Visabh±gaparicchedo pana kesasadisova.
Lohitanti dve lohit±ni– sannicitalohitañca sa½saraºalohitañca. Tattha sannicitalohita½ vaººato nipakkabahalal±kh±rasavaººa½, sa½saraºalohita½ acchal±kh±rasavaººa½. Saºµh±nato ubhayampi ok±sasaºµh±na½. Disato sannicitalohita½ uparim±ya dis±ya j±ta½, itara½ dv²su dis±su j±ta½. Ok±sato sa½saraºalohita½, µhapetv± kesalomadantanakh±na½ ma½savinimmuttaµµh±nañceva thaddhasukkhacammañca, dhamanij±l±nus±rena sabba½ up±dinnakasar²ra½ pharitv± µhita½; sannicitalohita½ yakanaµµh±nassa heµµh±bh±ga½ p³retv± ekapattap³ramatta½ hadayavakkapapph±s±na½ upari thoka½ thoka½ paggharanta½ vakkahadayayakanapapph±se temayam±na½ µhita½. Tasmiñhi vakkahaday±d²ni atemente satt± pip±sit± honti. Paricchedato lohitabh±gena paricchinna½. Ayamassa sabh±gaparicchedo. Visabh±gaparicchedo pana kesasadisova.