1091. SaŖkhatadukaniddese purimaduke vutta½ asaŖkhatadh±tu½ sandh±ya yo eva so dhammoti ekavacananiddeso kato. Purimaduke pana bahuvacanavasena pucch±ya uddhaµatt± ime dhamm± appaccay±ti pucch±nusandhinayena bahuvacana½ kata½. Ime dhamm± sanidassan±ti-±d²supi eseva nayo.
1101. Kenaci vińńeyyadukaniddese cakkhuvińńeyy±ti cakkhuvińń±ŗena vij±nitabb±. Sesapadesupi eseva nayo. Ettha ca kenaci vińńeyy±ti cakkhuvińń±ŗ±d²su kenaci ekena cakkhuvińń±ŗena v± sotavińń±ŗena v± vij±nitabb±. Kenaci na vińńeyy±ti teneva cakkhuvińń±ŗena v± sotavińń±ŗena v± na vij±nitabb±. ‘Eva½ sante dvinnampi pad±na½ atthan±nattato duko hot²’ti heµµh± vuttatt± ‘ye te dhamm± cakkhuvińńeyy± na te dhamm± sotavińńeyy±’ti aya½ duko na hoti. R³pa½ pana cakkhuvińńeyya½ saddo na cakkhuvińńeyyoti imamattha½ gahetv± ‘ye te dhamm± cakkhuvińńeyy± na te dhamm± sotavińńeyy±, ye v± pana te dhamm± sotavińńeyy± na te dhamm± cakkhuvińńeyy±’ti ayameko dukoti veditabbo. Eva½ ekeka-indriyam³lake catt±ro catt±ro katv± v²sati duk± vibhatt±ti veditabb±.
Ki½ pana ‘manovińń±ŗena kenaci vińńeyy± kenaci na vińńeyy±’ natthi? Tenettha duk± na vutt±ti? No natthi, vavatth±n±bh±vato pana na vutt±. Na hi, yath± cakkhuvińń±ŗena avińńeyy± ev±ti vavatth±na½ atthi, eva½ manovińń±ŗen±p²ti vavatth±n±bh±vato ettha duk± na vutt±. Manovińń±ŗena pana kenaci vińńeyy± ceva avińńeyy± c±ti ayamattho atthi. Tasm± so avuttopi yath±l±bhavasena veditabbo. Manovińń±ŗanti hi saŖkhya½ gatehi k±m±vacaradhammehi k±m±vacaradhamm± eva t±va kehici vińńeyy± kehici avińńeyy±. Tehiyeva r³p±vacar±didhamm±pi kehici vińńeyy± kehici avińńeyy±. R³p±vacarehipi k±m±vacar± kehici vińńeyy± kehici avińńeyy±. Teheva r³p±vacar±dayopi kehici vińńeyy± kehici avińńeyy±. Ar³p±vacarehi pana k±m±vacar± r³p±vacar± apariy±pann± ca neva vińńeyy±. Ar³p±vacar± pana kehici vińńeyy± kehici avińńeyy±. Tepi ca kecideva vińńeyy± keci avińńeyy±. Apariy±pannehi k±m±vacar±dayo neva vińńeyy±. Apariy±pann± pana nibb±nena avińńeyyatt± kehici vińńeyy± kehici avińńeyy±. Tepi ca maggaphal±na½ avińńeyyatt± kecideva vińńeyy± keci avińńeyy±ti.
1102. ¾savaniddese pańcak±maguŗiko r±go k±m±savo n±ma. R³p±r³pabhavesu chandar±go jh±nanikanti sassatadiµµhisahaj±to r±go bhavavasena patthan± bhav±savo n±ma. Dv±saµµhi diµµhiyo diµµh±savo n±ma. Aµµhasu µh±nesu ańń±ŗa½ avijj±savo n±ma. Tattha tattha ±gatesu pana ±savesu asammohattha½ ekavidh±dibhedo veditabbo. Atthato hete cirap±riv±siyaµµhena ±sav±ti eva½ ekavidh±va honti. Vinaye pana “diµµhadhammik±na½ ±sav±na½ sa½var±ya sampar±yik±na½ ±sav±na½ paµigh±t±y±”ti (p±r±. 39) duvidhena ±gat±. Suttante sa¼±yatane t±va “tayome, ±vuso, ±sav±– k±m±savo bhav±savo avijj±savo”ti (sa½. ni. 4.321) tividhena ±gat±. Nibbedhikapariy±ye “atthi, bhikkhave, ±sav± nirayagaman²y± atthi ±sav± tiracch±nayonigaman²y±, atthi ±sav± pettivisayagaman²y±, atthi ±sav± manussalokagaman²y±, atthi ±sav± devalokagaman²y±”ti (a. ni. 6.63) pańcavidhena ±gat±. Chakkanip±te ±huneyyasutte– “atthi ±sav± sa½var± pah±tabb±, atthi ±sav± paµisevan± pah±tabb±, atthi ±sav± adhiv±san± pah±tabb±, atthi ±sav± parivajjan± pah±tabb±, atthi ±sav± vinodan± pah±tabb±, atthi ±sav± bh±van± pah±tabb±”ti (a. ni. 6.58) chabbidhena ±gat±. Sabb±savapariy±ye (ma. ni. 1.14 ±dayo) ‘dassanapah±tabbehi’ saddhi½ sattavidhena ±gat±. Idha panete k±m±sav±dibhedato catubbidhena ±gat±. Tatr±ya½ vacanattho– pańcak±maguŗasaŖkh±te k±me ±savo ‘k±m±savo’. R³p±r³pasaŖkh±te kammato ca upapattito ca duvidhepi bhave ±savo ‘bhav±savo’. Diµµhi eva ±savo ‘diµµh±savo’. Avijj±va ±savo ‘avijj±savo’.
1103. K±mes³ti pańcasu k±maguŗesu. K±macchandoti k±masaŖkh±to chando, na kattukamyat±chando, na dhammacchando. K±manavasena rajjanavasena ca k±moyeva r±go k±mar±go. K±manavasena nandanavasena ca k±mova nand²ti k±manand². Eva½ sabbattha k±mattha½ viditv± taŗh±yanaµµhena k±mataŗh±, sinehanaµµhena k±masineho, pari¹ayhanaµµhena k±mapari¼±ho, mucchanaµµhena k±mamucch±, gilitv± pariniµµh±panaµµhena k±majjhos±nanti veditabba½. Aya½ vuccat²ti aya½ aµµhahi padehi vibhatto k±m±savo n±ma vuccati.
1104. Bhavesu bhavachandoti r³p±r³pabhavesu bhavapatthan±vaseneva pavatto chando ‘bhavachando’. Sesapad±nipi imin±va nayena veditabb±ni.
1105. Sassato lokoti v±ti-±d²hi dasah±k±rehi diµµhippabhedova vutto. Tattha sassato lokoti ettha khandhapańcaka½ lokoti gahetv± ‘aya½ loko nicco dhuvo sabbak±liko’ti gaŗhantassa ‘sassatan’ti gahaŗ±k±rappavatt± diµµhi. Asassatoti tameva loka½ ‘ucchijjati vinassat²’ti gaŗhantassa ucchedagahaŗ±k±rappavatt± diµµhi. Antav±ti parittakasiŗal±bhino ‘suppamatte v± sar±vamatte v±’ kasiŗe sam±pannassa antosam±pattiya½ pavattitar³p±r³padhamme lokoti ca kasiŗaparicchedantena ca ‘antav±’ti gaŗhantassa ‘antav± loko’ti gahaŗ±k±rappavatt± diµµhi. S± sassatadiµµhipi hoti ucchedadiµµhipi. Vipulakasiŗal±bhino pana tasmi½ kasiŗe sam±pannassa antosam±pattiya½ pavattitar³p±r³padhamme lokoti ca kasiŗaparicchedantena ca ‘ananto’ti gaŗhantassa ‘anantav± loko’ti gahaŗ±k±rappavatt± diµµhi. S± sassatadiµµhipi hoti, ucchedadiµµhipi.
Ta½ j²va½ ta½ sar²ranti bhedanadhammassa sar²rasseva ‘j²van’ti gahitatt± sar²re ucchijjam±ne ‘j²vampi ucchijjat²’ti ucchedagahaŗ±k±rappavatt± diµµhi. Dutiyapade sar²rato ańńassa j²vassa gahitatt± sar²re ucchijjam±nepi ‘j²va½ na ucchijjat²’ti sassatagahaŗ±k±rappavatt± diµµhi. Hoti tath±gato para½ maraŗ±ti-±d²su satto tath±gato n±ma. So para½ maraŗ± hot²ti gaŗhato paµham± sassatadiµµhi. Na hot²ti gaŗhato dutiy± ucchedadiµµhi. Hoti ca na ca hot²ti gaŗhato tatiy± ekaccasassatadiµµhi. Neva hoti na nahot²ti gaŗhato catutth± amar±vikkhepadiµµhi. Ime dhamm± ±sav±ti ime k±m±savańca bhav±savańca r±gavasena ekato katv±, saŖkhepato tayo, vitth±rato catt±ro dhamm± ±sav± n±ma.
Yo pana brahm±na½ vim±nakapparukkha-±bharaŗesu chandar±go uppajjati, so k±m±savo hoti na hot²ti? Na hoti. Kasm±? Pańcak±maguŗikassa r±gassa idheva pah²natt±. Hetugocchaka½ pana patv± lobho hetu n±ma hoti. Ganthagocchaka½ patv± abhijjh±k±yagantho n±ma. Kilesagocchaka½ patv± lobho kileso n±ma hoti. Diµµhisahaj±to pana r±go k±m±savo hoti na hot²ti? Na hoti; diµµhir±go n±ma hoti. Vuttańheta½ “diµµhir±garatte purisapuggale dinnad±na½ na mahapphala½ hoti, na mah±nisa½san”ti (paµi. ma. 1.129).
Ime pana ±save kilesapaµip±µiy±pi ±haritu½ vaµµati, maggapaµip±µiy±pi. Kilesapaµip±µiy± k±m±savo an±g±mimaggena pah²yati, bhav±savo arahattamaggena, diµµh±savo sot±pattimaggena, avijj±savo arahattamaggena. Maggapaµip±µiy± sot±pattimaggena diµµh±savo pah²yati, an±g±mimaggena k±m±savo, arahattamaggena bhav±savo avijj±savo c±ti.
1121. Sa½yojanesu m±naniddese seyyohamasm²ti m±noti uttamaµµhena ‘aha½ seyyo’ti eva½ uppannam±no. Sadisohamasm²ti m±noti samasamaµµhena ‘aha½ sadiso’ti eva½ uppannam±no. H²nohamasm²ti m±noti l±makaµµhena ‘aha½ h²no’ti eva½ uppannam±no. Eva½ seyyam±no sadisam±no h²nam±noti ime tayo m±n± tiŗŗa½ jan±na½ uppajjanti. Seyyass±pi hi ‘aha½ seyyo sadiso h²no’ti tayo m±n± uppajjanti. Sadisass±pi, h²nass±pi. Tattha seyyassa seyyam±nova y±th±vam±no, itare dve ay±th±vam±n±. Sadisassa sadisam±nova…pe… h²nassa h²nam±nova y±th±vam±no, itare dve ay±th±vam±n±. Imin± ki½ kathita½? Ekassa tayo m±n± uppajjant²ti kathita½. Khuddakavatthuke pana paµhamakam±nabh±jan²ye eko m±no tiŗŗa½ jan±na½ uppajjat²ti kathito.
M±nakaraŗavasena m±no. Mańńan± mańńitattanti ±k±rabh±vaniddes±. Ussitaµµhena unnati. Yassuppajjati ta½ puggala½ unn±meti, ukkhipitv± µhapet²ti unnamo. Samussitaµµhena dhajo. Ukkhipanaµµhena citta½ sampaggaŗh±t²ti sampagg±ho. Ketu vuccati bah³su dhajesu accuggatadhajo. M±nopi punappuna½ uppajjam±no apar±pare up±d±ya accuggataµµhena ketu viy±ti ‘ketu’. Ketu½ icchat²ti ketukamya½, tassa bh±vo ketukamyat±. S± pana cittassa, na attano. Tena vutta½– ‘ketukamyat± cittass±’ti. M±nasampayuttańhi citta½ ketu½ icchati. Tassa ca bh±vo ketukamyat±; ketusaŖkh±to m±noti.
1126. Iss±niddese y± paral±bhasakk±ragaruk±ram±nanavandanap³jan±su iss±ti y± etesu paresa½ l±bh±d²su ‘ki½ imin± imesan’ti parasampattikhiyyanalakkhaŗ± iss±. Tattha l±bhoti c²var±d²na½ catunna½ paccay±na½ paµil±bho. Issuk² hi puggalo parassa ta½ l±bha½ khiyyati, ‘ki½ imassa imin±’ti na icchati. Sakk±roti tesa½yeva paccay±na½ sukat±na½ sundar±na½ paµil±bho. Garuk±roti garukiriy±, bh±riyakaraŗa½. M±nananti manena piyakaraŗa½. Vandananti pańcapatiµµhitena vandana½. P³jan±ti gandham±l±d²hi p³jan±. Iss±yanavasena iss±. Iss±k±ro iss±yan±. Iss±yitabh±vo iss±yitatta½. Us³y±d²ni iss±divevacan±ni.
Imiss± pana iss±ya khiyyanalakkhaŗa½ ±g±riken±pi an±g±riken±pi d²petabba½. ¾g±riko hi ekacco kasivaŗijj±d²su ańńatarena ±j²vena attano purisak±ra½ niss±ya bhaddaka½ y±na½ v± v±hana½ v± ratana½ v± labhati. Aparo tassa al±bhatthiko tena l±bhena na tussati. ‘Kad± nu kho esa im±ya sampattiy± parih±yitv± kapaŗo hutv± carissat²’ti cintetv± ekena k±raŗena tasmi½ t±ya sampattiy± parih²ne attamano hoti. An±g±rikopi eko iss±manako ańńa½ attano sutapariyatti-±d²ni niss±ya uppannal±bh±disampatti½ disv± ‘kad± nu kho eso imehi l±bh±d²hi parih±yissat²’ti cintetv±, yad± ta½ ekena k±raŗena parih²na½ passati, tad± attamano hoti. Eva½ parasampattikhiyyanalakkhaŗ± ‘iss±’ti veditabb±.
1127. Macchariyaniddese vatthuto macchariyadassanattha½ ‘pańca macchariy±ni ±v±samacchariyan’ti-±di vutta½. Tattha ±v±se macchariya½ ±v±samacchariya½. Sesapadesupi eseva nayo.
¾v±so n±ma sakal±r±mopi pariveŗampi ekovarakopi rattiµµh±nadiv±µµh±n±d²nipi. Tesu vasant± sukha½ vasanti paccaye labhanti. Eko bhikkhu vattasampannasseva pesalassa bhikkhuno tattha ±gamana½ na icchati. ¾gatopi ‘khippa½ gacchat³’ti cinteti. Ida½ ‘±v±samacchariya½’ n±ma. Bhaŗ¹anak±rak±d²na½ pana tattha v±sa½ anicchato ±v±samacchariya½ n±ma na hoti.